ایمزٹی وی(تجارت)پاکستان میں انفارمیشن ٹیکنالوجی (آئی ٹی) اور ٹیلی کمیونیکیشن کے موضوع پر 17 ویں آئی ٹی سی این ایشیا نمائش و کانفرنس 19سے21 ستمبر2017ء تک ایکسپو سینٹر کراچی میں منعقد ہوگی۔ تین روزہ سالانہ ایونٹ میں چین پاکستان اقتصادی راہداری (سی پیک) اور پاکستان کی آئی ٹی صنعت کے کردار سمیت بین الاقوامی کانفرنسیں شامل ہیں۔ اس میں ڈیجیٹل سیکورٹی کو درپیش چیلنجز، ٹیلی کام سمٹ، پاکستان سافٹ ویئر ایکسپورٹ بورڈ ۔ پی ایس ای بی کے لئے سی ای اوز فورم، انفارمیشن سیکورٹی کانفرنس اور آغاز پر ایک اجلاس سمیت اہم موضوعات کا احاطہ کیا جائے گا۔ اس سال آئی ٹی سی این350کمپنیوں،600 سےزائد برانڈز اور ایک لاکھ سے زائد شرکاء کی میزبانی کرے گی۔