ایمز ٹی وی (تجارت) وزیر پٹرولیم شاہد خاقان عباسی کا کہنا ہے کہ پنجاب میں صنعتیں چار ماہ بند رہتی ہیں، سردیوں میں پنجاب کی صنعتوں کو گیس کی سپلائی بالکل بند ہو جاتی ہے۔
وزیر پٹرولیم شاہد خاقان عباسی نے سینیٹ کو بتایا کہ سندھ میں بھی صنعت کو اب گیس کی فراہمی ایک دن کے لیئے بند کی جاتی ہے ۔
اُن کا کہنا تھا کہ پنجاب میں گیس کی 40 فیصد کمی کا سامنا ہے، پنجاب میں صرف صبح اور شام کے اوقات میں گیس مل رہی ہے، مارچ تک مزید گیس سسٹم میں شامل کریں گے ۔