کراچی: جامعہ کراچی کے شعبہ عمرانیات، ساؤتھ ایشیا ریسرچ انسٹی ٹیوٹ فار مائنو ریٹیز اور آفس آف ریسرچ اینوویشن اینڈ کمرشلائزیشن جامعہ کراچی کے اشتراک سے ایک روزہ بین الاقوامی کانفرنس بعنوان" جنوبی ایشیا میں تنازعات کے حل اور امن کے قیام میں اقلیتوں کا کردار" کی افتتاحی تقریب (آج) بدھ کوصبح 9بجے مقامی ہوٹل میں منعقد ہوگی جبکہ اختتامی تقریب شام چار بجے منعقد ہو گی۔
اختتامی تقریب کے مہمان خصوصی گورنر سندھ عمران اسماعیل ہوں گے جبکہ وائس چانسلر پروفیسر ڈاکٹر خالد محمود عراقی صدارت کرینگے ۔کانفرنس میں بین الاقوامی جامعات بشمول کیلیفورنیا اسٹیٹ یونیورسٹی امریکا، ڈھاکہ یونیورسٹی بنگلہ دیش، اسلامک یونیورسٹی ملائیشیا، انسٹی ٹیوٹ آف سوشل سائنس باہا نیپال اور یونیورسٹی آف سری لنکاکے محققین شریک ہوں گے۔