منگل, 17 ستمبر 2019


جامعہ کراچی میں ایم بی اے داخلہ ٹیسٹ کاانعقاد

کراچی: کراچی یونیورسٹی بزنس اسکول کے تحت ای ایم بی اے(ڈھائی سالہ)اور ایم بی اے(ڈھائی سالہ)پروگرام کا داخلہ ٹیسٹ آج صبح 10:00 بجے جبکہ ای ایم بی اے (ڈیڑھ سالہ )پروگرام کا داخلہ ٹیسٹ دوپہر 2:00بجے جامعہ کراچی کے شعبہ سیاسیات(پولیٹیکل سائنس) میں منعقد ہوا۔
 
انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اخترکے مطابق ا ی ایم بی اے(ڈھائی سالہ)پروگرام اور ایم بی اے(ڈھائی سالہ)پروگرام کے لئے700فارم جمع کرائے گئے جبکہ627طلباوطالبات نے شرکت کی۔ ای ایم بی اے (ڈیڑھ سالہ )پروگرام کے لئے 271فارم جمع کرائے گئے جبکہ257طلباوطالبات نے شرکت کی۔
 
رئیس کلیہ نظمیات و انتظامی علوم پروفیسر ڈاکٹرطاہر علی،ڈاکٹر صائمہ اختراور ڈاکٹر دانش صدیقی مانیٹرنگ کرتے رہے۔وائس چانسلر پروفیسر ڈاکٹر خالد محمود عراقی نے کیمپس سیکیورٹی ایڈوائزرڈاکٹر معیز خان کے ہمراہ امتحانی مراکز کا دورہ کیااور داخلہ ٹیسٹ کے انتظامات پر اطمینان کا اظہارکیا ۔ڈاکٹر صائمہ اختر کے مطابق داخلہ ٹیسٹ میں شرکت کرنے والے امیدواروں اور ان کے والدین کی رہنمائی کے لئے شیخ الجامعہ پروفیسر ڈاکٹرخالد محمود عراقی کی خصوصی ہدایت پر(واچ اینڈوارڈ ) کے عملے کو داخلی راستوں اور فیکلٹی کے اطراف تعینات کیا گیا تھا۔کمرہ امتحان کے ارد گرد غیر متعلق افراد کا داخلہ ممنوع تھا،ٹیسٹ انتہائی پرسکون ماحول میں منعقد ہوا۔
 
واضح رہے کہ داخلہ ٹیسٹ کے نتائج جانچ کر کامیاب ہونے والے امیدواروں کی فہرست جامعہ کراچی کی ویب سائٹ پر اَپ لوڈ کردی گئی ہے جبکہ حتمی فہرست26 اگست2019 ءکو جامعہ کراچی کی ویب سائٹ پر اَپ لوڈ کردی جائے گی۔

پرنٹ یا ایمیل کریں

Leave a comment