کراچی: بے نظیر بھٹوشھید یونیورسٹی، لیاری کراچی میں پہلا لیاری لٹریچر فیسٹیول 21 اور22 ستمبر2019 کومنعقد کیا جارہاہے۔اس کا اعلان مہاردر آرٹ اینڈ پروڈکشن (ایم اے پی) کے ایل ایل ایف کی پروگرام منیجر سعدیہ بلوچ نے کراچی پریس کلب میں پریس کانفرنس کرتے ہوئے کیا۔ ایل ایل ایف کاشریک بننے پر بینظیربھٹوشہیدیونیورسٹی کاشکریہ کرتے ہوئے سعدیہ بلوچ کا کہناتھاایل ایل ایف یونی ورسٹی کے وائس چانسلر اور انتظامیہ کے کردار کو سراہتی ہے کہ جنھوں نے اس میں خاص دلچسپی لی اوربھرپورتعاون کیا۔ انہوں نے مزید کہا کہ کراچی خاص کر لیاری کااصل ادبی و فن دوست رخ پیش کرنا اور جامعات و تعلیمی اداروں میں پر امن ماحول کوتقویت دینا ہمارے مقاصد میں شامل ہیں

 

پریس کانفرنس سےخطاب کرتےہوئےجامعہ کے وائس چانسلرڈاکٹراختر بلوچ کا کہنا تھا کہ نہ صرف طلبہ کی فکری تعمیر و ترقی بلکہ جامعات کے کلیدی کردار کو مستحکم کرنے کی خاطر جامع نے ہمیشہ ایسے پروگرامز میں معاون کردار ادا کیا ہے۔ انھوں نے مہردر آرٹ اینڈ پروڈکشن کے اس اقدام کو سراہا اور لوگوں کو پہلے لیاری لٹریچر فیسٹول میں بھرپور شرکت اور لیاری کے اصل رنگ کو اجاگر کرنے کی دعوت دی۔

 

ڈائریکٹر مہردر جناب وحید نور نے کہا کہ اس میں شرکت کی دعوت عام ہے۔ ہمیں توقع ہے کہ اس تقریب میں3ہزار سے زائد لوگ پاکستان بھر، خاص کر کراچی اور اس کے مختلف علاقوں سمیت نزدیک تریں اضلاع سے بھی بڑی تعداد میں شرکت کریں گےمیلے کی اہم خصوصیات بتاتےہوئےان کاکہناتھاکہ جس میں پینل ڈسکشن، دو مشاعرے (پہلے دن مادری زبانوں جبکہ دوسرے دن اردو زبان میں منعقد ہوگا جس میں مشھور شاعر جوش ملیح آبادی کو خراج عقیدت پیش کیا جائے گا)فلموں کی نمائش، موسیقی، مشھور روایتی رقص لیوہ اور قوالی شامل ہیں۔