کراچی: جامعہ کراچی کے شعبہ ویژول اسٹڈیز میں داخلوں کا آغاز ہوگیا

 

انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطابق شعبہ ویژول اسٹڈیز میں بیچلرز آف ڈیزائننگ(چارسالہ پروگرام) ،بیچلرز آف فائن آرٹس(چارسالہ پروگرام) اور بیچلرز آف آرکیٹیکچرز (پانچ سالہ پروگرام )میں داخلے برائے سال2020 کا اعلان کردیا گیا ہے،جس کے مطابق خواہشمند طلبہ09 اکتوبر2019 ءتک داخلہ فارم آن لائن جمع کراسکتے ہیں۔

 

طلبہ تمام معلومات بمعہ آن لائن داخلہ فارم اور پراسپیکٹس کے حصول کے لئے www.uokadmission.edu.pk پررابطہ کرسکتے ہیں،جہاں تمام معلومات موجودہیں۔

 

واضح رہے انٹرمیڈیٹ (HSC ) یا مساوی امتحان میں کم ازکم 45% فیصد مارکس حاصل کرنے والے طلبہ وطالبات داخلہ فارم جمع کرانے کے اہل ہیں جبکہ ڈپلومہ کرنے والے کم ازکم 60% فیصد مارکس کے حامل طلبہ اہل ہوں گے۔داخلے کے لئے رجحان ٹیسٹ بروز اتوار13 اکتوبر2019 ءکو منعقد ہوگا جبکہ حتمی انتخاب رجحان ٹیسٹ اور انٹر ویوز کے بعد عمل میں آئے گا۔