کراچی : دنیا بھرکی طرح پاکستان میں بھی آج اساتذہ کا عالمی دن منایا جا رہا ہے،اساتذہ کے عالمی دن کے موقع پرا سکولوں،کالجز اور یونیورسٹیز میں ٹیچرز ڈے کی تقریب منعقد کی گئی،تقریبات میں استاد کے رتبہ کو زبردست خراجِ تحسین پیش کیاجارہاہے ۔
اساتذہ کے عالمی دن کے موقع پر آواز انسٹیٹیوٹ آف میڈیا اینڈ مینجمنٹ سائنسز میں ایک تقریب کا انعقاد کیا گیا تقریب میں اساتذہ کو طلبا اور طالِبات کی جانب سے خِراجِ تحسین پیش کیا گیا تقریب میں کیک کٹِنگ کے ساتھ ساتھ پھولوں اور چاکلیٹسس کے تحائف پیش کئے گئے۔
اس موقع پر اساتذہ نے اپنے خیالات کا اظہار کرتے ہوئے کہا کہ ہر شاگرد پر لازم ہے کہ وہ اپنے معلم کی عزت کرے اور دنیا میں ہر وہ شخص کامیاب ہوتا ہے جو اپنے استاد کی عزت کرتا ہے۔