کراچی: جامعہ کراچی نے بیچلر ز، ماسٹرز پروگرام میں اوپن میرٹ اور مخصوص نشستوں پر داخلے کے لئے فارم جمع کرانے کی تاریخ میں توسیع کردی۔
طلباوطالبات کی سہولت کے پیش نظر ہفتہ 30 نومبر 2019 ءکو جامعہ کراچی کے سلور جوبلی گیٹ پر واقع ہیلپ کاﺅنٹرکھلارہے گا ۔
انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطابق بیچلر زاور ماسٹرز مارننگ پروگرام میں اوپن میرٹ کی بنیاد پر ہونے والے داخلوں،بی اے / ایل ایل بی پانچ سالہ ڈگری مارننگ پروگرام میں داخلوں اورمخصوص نشستوں (Reserved Seats )پر ہونے والے داخلوں کے لئے فارم جمع کرانے کی تاریخ میں 30 نومبر 2019 ءتک توسیع کردی گئی ہے ۔
طلبہ تمام معلومات بمعہ آن لائن داخلہ فارم ،فیس واﺅچر اور پراسپیکٹس کے حصول کے لئے www.uokadmission.edu.pk پررابطہ کرسکتے ہیں،جہاںتمام معلومات موجودہیں۔شیخ الجامعہ پروفیسر ڈاکٹر خالد محمود عراقی کی خصوصی ہدایت پر طلباوطالبات کی سہولت کے پیش نظر ہفتہ 30 نومبر 2019 ءکو بھی جامعہ کراچی کے سلور جوبلی گیٹ پر واقع ہیلپ کاﺅنٹرکھلارہے گا ۔
علاوہ ازیں بینکوں کی مختلف برانچوں میں فیس جمع کرانے کی سہولت میسر ہوگی۔واضح رہے کہ داخلہ فارم جمع کرانے کی تاریخ میں مزید توسیع نہیں کی جائے گی۔