کراچی: این ای ڈی یونیورسٹی میں جلسہ تقسیم اسناد 2019 کاانعقادکیاگیا۔ تقریب کی صدارت چانسلر و گورنر سندھ عمران اسماعیل نے کی۔ چیئرمین پاکستام انجینئرنگ کونسل انجینئر جاوید سلیم قریشی اعزازی مہمان کی حیثیت سے شریک ہوئے

اس جلسہ تقسیم اسناد2019 میں 13طالب علموں کو ڈاکٹریٹ کی سند سے نوازا گیا جب کہ27طالبِ علموں میں گولڈ میڈلز تقسیم کیے گئے جن میں سے 19انجینئرنگ جب کہ 8بی ایس کے طالب علم ہیں۔ جامعہ سے اس برس پاس آؤٹ گریجویٹس کی تعداد 2113جب کہ ماسٹرز کی تعداد 843ہے

 

ان کا کہنا تھاکہ ہماری جامعہ کے پاس پانچ نیشنل سینٹرز، سینٹر فار سائبر سکیورٹی، سینٹر فار آرٹیفیشل انٹیلیجنس، سینٹر فار ڈیٹا انلیکٹس، نیشنل انکیوبیشن سینٹراور سینٹر فار ربوٹکس ہیں جب کہ چھٹے سردار یاسین ملک نیشنل سینٹر فار نینو ٹیکنالوجی کی تعمیر کے کام بھی آغازہوچکا ہے، یہ تمام سینٹرز طالبِ علموں کے لیے ریسرچ کے مواقعے پیدا کررہے ہیں

 

۔ شیخ الجامعہ نے اٹھائیسویں مسلسل کانووکیشن، مثالی نظم و ضبط پر پر اظہارِ تشکرکیاجب کہ تھرانسٹی ٹیوٹ آف انجینئرنگ، سائنس اینڈٹیکنالوجی کے آغاز پر بھی نیک خواہشات کا اظہار کیا، تھرانسٹی ٹیوٹ میں کمپیوٹر سائنس کی کلاسز کا آغاز ہوچکا ہے جب کہ انجینئرنگ کی کلاسز کا آغاز جلد کیا جائے گا۔ انہوں نے 2021 میں جامعہ این ای ڈی کے سو برس مکمل ہونے کی تقریبات کا آغاز کرتے ہوئے۔ 28اور29 دسمبر2019کو دنیا بھر سے این ای ڈی کے فارغ التحصیل طالب علموں کو بین الاقوامی کنوینشن میں شرکت کی دعوت بھی دی