جناح یونیورسٹی برائے خواتین کے وائس چانسلر پروفیسر ڈاکٹر نعیم فاروقی نے کہا ہے کہ جامعہ میں ڈی ایچ ایم ایس ڈگری کلاسزشروع کرنے پر کام کر رہے ہیں، نیشنل کونسل فار ہومیو پیتھی کی ٹیم کی جانب سے یونیورسٹی کے دورے کے بعد منظوری ملتے ہی باقاعدہ کلاسوں کا اہتمام کر دیا جائے گا۔یہ بات انہوں نے پاکستان ہومیو پیتھک فزیشن سوسائٹی کے بانی ڈاکٹر سید جاوید حسین شاہ سے ملاقات کے دوران گفتگو کرتے ہوئے کہی۔
اس موقع پر جامعہ ہذا کے ڈین فیکلٹی برائے فارمیسی پروفیسر ڈاکٹر غلا م سرور بھی موجود تھے ۔ پاکستان ہومیو پیتھک فزیشن سوسائٹی کے بانی ڈاکٹر سید جاوید شاہ نے اس موقع پر یاد ہانی کراتے ہوئے کہا کہ کچھ عرصہ قبل یونیورسٹی میں ڈی ایچ ایم ایس کلاسز شروع کرانے کیلئے ہم نے فزیبلٹی رپورٹ دی تھی خواہش ہے کہ جناح ویمن یونیورسٹی میں جلد از جلد ڈی ایچ ایم ایس ڈگری پروگرام شروع ہو جائے۔