کراچی: پرائیویٹ اسکولزمینجمنٹ ایسوسی ایشن (پسما )نےمطالبہ کیاہےکہ تعلیمی سیشن اپریل سے شروع کیاجائے ۔
چیئرمین پسما شرف الزماں نے سیکریٹری تعلیم احسن علی منگی سے ایک خصوصی ملاقات کی۔ملاقات میں پسما کی جانب سے 3نکاتی ایجنڈا پیش کیا گیاجس میں سیشن میں تبدیلی ،رجسٹریشن ورینوول آن لائن سسٹم کی پیچیدگیاں اورچھٹیوں کی فیس چھٹیوں میں کس طرح لی جائے شامل تھے۔شرف الزماں نے سیکریٹری تعلیم کو باور کرایا کہ مارچ میں موسم معتدل ہوتا ہے ، سیکنڈری تعلیمی بورڈبھی امتحانات کیلئے مارچ کا مہینہ ہی منتخب کرتا ہے ۔
تفصیلات کے مطابق پرائیویٹ اسکولزمینجمنٹ ایسوسی ایشن (پسما )کے 20رکنی وفدنے چیئرمین پسما شرف الزماں کی قیادت میں سیکریٹری تعلیم اور محکمہ تعلیم کے افسران سے تغلق ہاؤس میں ملاقات کی۔