Print this page

تعلیمی سال کا آغاز اور سالانہ تعطیلات سمیت دیگر فیصلوں کا خیرمقدم

آل پاکستان پرائیویٹ اسکول اینڈ کالج ایسوسی ایشن کے چیئرمین حیدر علی اور مرکزی رہنمائوں انور علی بھٹی ،شہاب اقبال، دوست محمد دانش مرتضیٰ شاہ اور دیگر ایگزیکٹو ممبران نے کہا ہے کہ اسٹیئرنگ کمیٹی کے اجلاس میں ہونے والے فیصلوں کا خیر مقدم کرتے ہیں۔ ان رہنماؤں کا کہنا تھا کہ موجودہ تعلیمی سال کے آغاز، گرمیوں کی چھٹیوں ،آئندہ سالوں کے لئے سیشن اور چھٹیوں کا فیصلہ، میٹرک اور انٹرمیڈیٹ کے نتائج ایک ماہ قبل، کالجز کا تعلیمی سیشن دو ماہ قبل شروع کرنا تعلیم دوست فیصلے ہیں۔ میٹرک پاس کرنے والے طلبہ کو کالج میں پڑھائی کے لیے کم از کم دو مہینےاضافی ملیں گے۔ انٹرمیڈیٹ کے نتائج ایک ماہ جلد آنے سے ضمنی امتحان بھی جلد از جلد مکمل ہوجائے گا ۔امتحانی مراکز میں بیرونی مداخلت روکنا، اسٹاف کے لیے موبائل فون کی پابندی کے فیصلے پر مکمل عمل درآمد سے تعلیمی معاملات میں بہت زیادہ بہتری لائی جاسکتی ہے۔

پرنٹ یا ایمیل کریں