بدھ, 25 نومبر 2020


جامعہ کراچی کےایوان لیاقت گرلزہاسٹل کھولنےکی منظوری

کراچی: شیخ الجامعہ پروفیسر ڈاکٹر خالد محمود عراقی کی زیر صدارت منعقدہ اجلاس میں گرلز ہاسٹل کھولنے کی منظوری مل گئی
جامعہ کراچی کے ایوان لیاقت گرلز ہاسٹل کو سندھ حکومت اورہائر ایجوکیشن کمیشن پاکستان کی جانب سے جاری کردہ ہدایات اور ایس اوپیز کے تحت کھولنے کا فیصلہ کیاگیا ہے۔

شیخ الجامعہ پروفیسر ڈاکٹر خالد محمودعراقی کی زیرصدارت وائس چانسلر سیکریٹریٹ میں منعقدہ اجلاس میں فیصلہ کیا گیا کہ ایوان لیاقت گرلز ہاسٹل کو سندھ حکومت اور ایچ ای سی کی جانب سے جاری کردہ ہدایات اور ایس اوپیز کے تحت کھولاجائے گا اور اس سلسلے میں ایک سہہ رکنی کمیٹی تشکیل دی گئی ہے جس کی کنوینر ایوان لیاقت گرلز ہاسٹل کی پرووسٹ پروفیسر ڈاکٹر ثمینہ سعیدجبکہ ممبران میں بوائرز ہاسٹل کے پرووسٹ ڈاکٹر آصف سلیم اور مشیر امورطلبہ ڈاکٹر سید عاصم علی شامل ہیں۔

ایوان لیاقت گرلز ہاسٹل میں 33 فیصد طالبات کو جگہ دینے کے لئے درخواستیں طلب کرلی گئیں ہیں۔گرلز ہاسٹل میں رہائش کی خواہشمند طالبات کو ہدایت کی جاتی ہے کہ اپنی درخواستیں بمعہ متعلقہ دستاویزات 22 ستمبر2020 ء تک ایوان لیاقت گرلز ہاسٹل میں جمع کرادیں۔

پرنٹ یا ایمیل کریں

Leave a comment