جمعہ, 04 دسمبر 2020


گورنمنٹ اسلامیہ کالج میں فاتحہ خانی کا اہتمام

کراچی: سوشل اسٹوڈنٹس فورم کی جانب سےعلامہ سید سلیمان ندوی کے 136 ویں یومِ ولادت اور 69 ویں یومِ وفات کے موقع پر مورخہ 22 نومبر 2020 بوقت سہ پہر 3 بجے ان کے مزار واقع گورنمنٹ اسلامیہ کالج پر فاتحہ خانی کا اہتمام کیا گیا ہے جس کے مہمانِ خصوصی ان کے نواسے ابو عاشر دیسنوی بھی خصوصی شرکت کریں گے۔

اس حوالے سے سوشل اسٹوڈنٹس فورم کے چیئرمین نفیس احمد خان نے کہا کہ علامہ سید سلیمان ندوی کی علمی، ادبی، مذہبی اور تبلیغ دین کیلئے بے تحاشہ اور بے لوث خدمات ہمیشہ یاد رکھی جائیں گی۔ ان کی لکھی گئی کتب سیرت النبیﷺ ، معرکتہ آراء و دیگر قابلِ صد تحسین ہے۔

اس موقع پر فورم کے جنرل سیکریٹری مسعود احمد وصی، سینئر وائس چیئرمین انجینئر وسیم احمد فاروقی، آرگنائزنگ کمیٹی کے چیئرمین سید ارشد عالم گیلانی، فورم کے سینئر نائب صدر ڈاکٹر محمد رفیع احمد، صدر خالد ممتاز ایڈووکیٹ و دیگر اراکینِ فورم بھی دعائیہ تقریب میں شرکت کریں گے ۔

پرنٹ یا ایمیل کریں

Leave a comment