کراچی: جامعہ کراچی نےبی ایس سی سالانہ امتحانات برائے 2018 ء کے نتائج کا اعلان کردیا۔

ناظم امتحانات جامعہ کراچی ڈاکٹر سید ظفر حسین کے مطابق بی ایس سی اِن آکوپیشنل تھراپی سال اول ودوم سالانہ امتحانات برائے 2018 ء کے نتائج کا اعلان کردیا گیاہے۔

نتائج کے مطابق بی ایس سی اِن آکوپیشنل تھراپی سال اول کے امتحانات میں 23 طلبہ شریک ہوئے،13 طلبہ کو کامیاب قراردیاگیا جبکہ 10 طلبہ ناکام قرارپائے۔

کامیابی کا تناسب 56.52 فیصدرہا۔ بی ایس سی اِن آکوپیشنل تھراپی سال دوم کے امتحانات میں 16 طلبہ شریک ہوئے،15 طلبہ کو کامیاب قراردیاگیا جبکہ ایک طالبعلم ناکام قرارپایا۔کامیابی کا تناسب93.75 فیصدرہا۔