کراچی: انٹرمیڈیٹ بورڈکراچی نے خصوصی امتحانات برائے 2021 میں شرکت کےلئے طلبا کےایڈکارڈز جاری کردیئے۔

اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ کے یکم مارچ 2022ء سے شروع ہونے والے ضمنی/خصوصی امتحانات برائے 2021ء کے سائنس پری میڈیکل، پری انجینئرنگ، سائنس جنرل، کامرس، آرٹس، ہوم اکنامکس گروپس اور ڈپلومہ ان فزیکل ایجوکیشن کے طلباء کے ایڈمٹ کارڈز او امتحانی شیڈول ان کی جانب سے دیئے گئے پتوں پر بھیج دیئے گئے ہیں۔

ایسے امیدوار جنہیں بروز جمعرات 24فروری 2022ء تک ایڈمٹ کارڈ موصول نہ ہوں وہ بروز جمعہ 25فروری 2022ء سے اپنے ایڈمٹ کارڈز کی نقول اور امتحانی شیڈول بورڈ آفس کے متعلقہ سیکشن سے حاصل کرسکتے ہیں۔ ایڈمٹ کارڈ کی نقل حاصل کرنے کے لئے امتحانی فارم اور فیس جمع کرانے کی رسیداور میٹرک کی مارکس شیٹ کی فوٹو کاپی لانا ضروری ہوگا۔