جمعرات, 06 اکتوبر 2022


پروفیسرڈاکٹرشگفتہ شہزادی جامعہ کراچی کی ڈین فیکلٹی آف ایجوکیشن مقرر

کراچی: وزیر اعلی سندھ سید مراد علی شاہ نے ماہر تعلیم پروفیسرڈاکٹرشگفتہ شہزادی کوجامعہ کراچی کی ڈین فیکلٹی آف ایجوکیشن مقررکردیاہے۔

سندھ یونیورسٹیز اینڈ بورڈز ڈیپارٹمنٹ کی جانب سے جاری کردہ ایک نوٹیفکیشن کے مطابق پروفیسر ڈاکٹر شگفتہ شہزادی کی تقرری 8 اگست 2022 سے 24 دسمبر 2024 تک کی گئی ہے۔

بیرون ملک سے تعلیم یافتہ پروفیسر ڈاکٹر شگفتہ شہزادی، شعبہ اسپیشل ایجوکیشن، جامعہ کراچی کی چیئرپرسن ہیں اور وہ اس سے قبل بھی ڈین فیکلٹی آف ایجوکیشن کے عہدے پر خدمات انجام دے چکی ہیں، انہیں تعلیم اور خواندگی کے شعبے میں وسیع تجربہ حاصل ہے۔

وہ خصوصی تعلیم اور خصوصی بچوں کی بہتر نگہداشت پر کئی کتابیں بھی تحریر کر چکی ہیں۔

پرنٹ یا ایمیل کریں

Leave a comment