ایمزٹی وی(تعلیم) سندھ بھر میں میٹرک کے سالانہ امتحان 28 مارچ جبکہ انٹرمیڈیٹ کے سالانہ امتحانات 28اپریل سے ہونگے۔ یہ فیصلہ جمعرات کوصوبائی محکمہ تعلیم کی اسٹیرنگ کمیٹی کے اجلاس میں کیا گیا ۔ اجلاس کی صدارت میں وزیر تعلیم سندھ نثار علی کھوڑو ، سیکریٹری تعلیم فضل اللہ پیچوہو ،اسپیشل سیکریٹری تعلیم عالیہ شاہد ،ڈائریکٹر جنرل کالجز سندھ پروفیسر نا صر انصار سمیت تمام تعلیمی بورڈ کے سر براہان چئیر مین تعلیمی بورڈ دیگر تعلیمی افسران نے شرکت کی۔اجلاس میں کئے گئے فیصلوں کے مطابق کراچی سمیت سندھ بھر میں انٹر سال اول کے داخلے کیپ کے تحت یکم اگست سے ہوں گے۔ اندرون سندھ کے تعلیمی بورڈ میٹرک کے نتائج 15جو لائی 2016 جبکہ کراچی بورڈ 31 جولائی 2016 تک جاری کرنے کا پابند ہوگا۔ اجلاس میں یوم اقبال 9نومبر کو سالانہ تعطیلات میں شامل کرنے کا بھی فیصلہ کیا گیا ۔