کورونا وائرس کی وجہ سے قوم آج یوم پاکستان سادگی کے ساتھ منارہی ہے، یوم پاکستان پر منعقد ہونے والی تمام سرکاری اور غیرسرکاری تقریبات منسوخ کی جاچکی ہیں تاہم دن کے آغاز پر مساجد، گرجاگھروں، مندروں اور گورودوارں میں عبادت کے دوران ملک کی سلامتی، ترقی خوشحالی اورخاص طورپرکورونا وائرس سے بچائو کیلئے دعائیں مانگی گئیں۔
قومی اعزازات کی مرکزی تقریب آج ایوان صدر میں ہونا تھی جس میں صدرمملکت ڈاکٹر عارف علوی نے مختلف شخصیات کوعسکری وسول اعزازات سے نوازنا تھا، گورنر ہاؤسز میں ہونیوالی اعزازات کی تقاریب بھی منسوخ کر دی گئی ہیں۔
اعزازات کی تقریب صورتحال بہتر ہونے پر منعقد کی جائے گی، اسی طرح لاہورمیں مزاراقبال پرگارڈزکی تبدیلی کی تقریب بھی نہیں ہوئی، جب کہ واہگہ بارڈر، گنڈا سنگھ بارڈر پر قومی پرچم اتارے جانے کی تقریبات میں بھی شہری شریک نہیں ہوسکتے ہیں۔
ایمز ٹی وی(تعلیم/کراچی) جامعہ کراچی کے فارغ التحصیل طلبہ کی تنظیم یونی کیرئینزانٹر نیشنل نے18 جنوری کویوم جامعہ کراچی شایان شان انداز اور شاندار طریقے سے منانے کا فیصلہ کیا ہے۔ ان خیالات کا اظہار صدر یونی کیرئینزانٹر نیشنل پروفیسر اعجاز احمد فاروقی نے مقامی ہوٹل میں ایگز یکیٹوکمیٹی کے اجلاس کی صدارت کرتے ہوئے کیا۔ اجلاس میں کہا گیا کہ جامعہ کراچی کی ترقی ہم سب کی ترقی ہے اور اسکی ترقی کیلئے ہم سے جو کچھ ہوسکے گا وہ ہم ضرور کریں گے انھوں نے کہا کہ جامعہ کراچی اس ملک کی عظیم ترین درسگاہ اور طلبہ کی مادرعلمی ہے۔ جس سے لاکھوں تشنگان علم ودانش اپنی اپنی علمی پیاس کی سیرابی کرتے رہے اور کرتے رہیں گے۔ اجلاس میں اراکین سے گزشتہ اجلاس کےمنٹس کی منظوری لی گئی یونی کیرئینز کے صدرپروفیسراعجاز احمدفاروقی نے جب اراکین سے یوم جامعہ کراچی کو شایان شان اور شاندار طریقے سے منانے کے حوالے سے رائے طلب کی تو سب نے متفقہ طور پر اس سے اتفاق کیا اور اسے مؤثر انداز میں منانے کیلئے اقدامات کرنے کا مشورہ دیا۔ اس موقع پر بتایا گیا کہ شیخ الجامعہ ڈاکٹر محمد قیصر، کراچی یونیورسٹی ٹیچرز ایسوسی ایشن اور جامعہ کراچی سے وابستہ مشہور ومعروف شخصیات سے رابطے شروع کر دئے گے۔ نیز جامعہ کراچی کے ممتاز فارغ التحصیل طلبہ سے کہا گیا کہ کہ وہ18 جنوری صبح 10:30 بجے سلور جوبلی گیٹ پر پہنچ کر جامعہ کراچی سے محبت کا اظہار کریں۔
ایمزٹی وی(کراچی) یوم آزادی کے موقع پر عبدالستار ایدھی کو خراج عقیدت پیش کرنے کیلئے خصوصی ٹکٹ جاری کردیا گیا۔
پاکستان پوسٹ کی جانب سے معروف سماجی رہنماء عبدالستار ایدھی کو خراج عقیدت پیش کرنے کیلئے 20 روپے مالیت والے ٹکٹ جاری کئے گئے ہیں۔
پاکستان پوسٹ کے ٹکٹ پر عبدالستار ایدھی کو سوشل آئی کون، گریٹیسٹ ہیومینیٹیرین اور فیلینتھراپسٹ کے اعزازات سے نوازا گیا
واضح رہے کہ معروف سماجی رہنماء عبدالستار ایدھی گزشتہ ماہ کراچی میں انتقال کر گئے تھے، حکومت کی جانب سے ان کی آخری رسومات قومی سطح پر نیشنل اسٹیڈیم کراچی میں ادا کی گئی تھیں جس میں گورنر اور وزیراعلیٰ سندھ، آرمی چیف سمیت دیگر اعلیٰ شخصیات نے جبکہ انہیں ایدھی ولیج میں سپرد خاک کیا گیا تھا
ایمزٹی وی(بزنس)موبی لنک کے تعاون سے دراز گروپ (ای کامرس لیڈر دراز Daraz.pk اور کیمو Kaymu.pk ) کی جانب سے مشترکہ طور پر یومِ آزادی کو شایانِ شان طریقے سے مناتے ہوئے اپنے صارفین لیے ایک بڑے سرپرائز کا فیصلہ کیا گیا ہے۔ پاکستان کے ممتاز آن لائن پورٹلز نے اعلان کیا ہے کہ آج رات سے اپنی ہرکیٹگری میں شامل تمام ریٹیل مصنوعات پر غیر معمولی ڈسکاؤنٹ فراہم کیا جائے گا۔ اس اہم موقع پر پاکستانی عوام قومی ترانہ اور ملی نغمے گنگناتے ہوئے ہوئے ریٹیل ڈسکاؤنٹ حاصل کرسکتے ہیں۔
اب جبکہ تمام پاکستانی اخوت اور اتحاد کے تحت اس اہم موقع پر ایک ہوگئے ہیں تو پہلی مرتبہ دراز (Daraz.pk) اور کیمو(Kaymu.pk) نے بھی یک جاں ہوکر اس اہم ایونٹ کا انعقاد کیا اور اتحاد کا یہ ایک بہتر طریقہ ہے۔ اس اہم سیل کا مقصد مؤثر ہیش ٹیگ
#HumPakistani کے نام سے یومِ پاکستان کو بہتر انداز میں منانا ہے۔ اس کے تحت صارفین 1947 کے نام سے یومِ آذادی سے ایک روز قبل اور یومَ آزادی کے پورے دن زبردست رعایت اور ڈسکاؤنٹ حاصل کرسکیں گے۔ موبی لِنک اور جاز ایکس کی خصوصی سرپرائز آفرز کے علاوہ دراز پی کے (Daraz.pk) پر الیکٹرانک اور فیشن آئیٹمز پر 70 فیصد تک کا حیرت انگیز ڈسکاؤنٹ اور کیمو (Kaymu.pk) پر تمام مصنوعات پر 19 فیصد سے لے کر 47 فیصد تک کی رعایت دی جارہی ہے۔
یومِ آزادی کے پرمسرت دن پر مثبت پیغامات دیتے ہوئے دراز گروپ نے ایک ویڈیو بھی جاری کی ہے۔ جس میں پاکستان کے انوکھے گوشے دکھا کر ہر ایک کے دل کے تار چھیڑے گئے ہیں۔ اس کے علاوہ دراز(Daraz.pk) ایک سوشل میڈیا مقابلہ بھی منعقد کروارہا ہے جس میں تمام پاکستانی پاکستان کے متعلق اپنی سب سے ذیادہ محبوب شے کی تصویر #HumPakistani کے ہیش ٹیگ کے ساتھ پوسٹ کرکے زبردست انعامات جیت سکتے ہیں۔
دراز گروپ کے سی ای او ڈاکٹر جوناتھن ڈوور کہتے ہیں پاکستان دنیا کے ان چند ممالک کی جانب بڑھ رہا ہے جہاں ٹیکنالوجی کا بھرپور استعمال کیا جارہا ہے۔ اس خوبصورت ملک میں جشن منانے اور فخر کرنے اور سیل کی ایک بڑی ایونٹ منعقد کرنے کی لاتعداد وجوہات ہیں۔ اس موقع پر ہم غیرمعمولی طور پر پرجوش ہیں کہ پہلی مرتبہ دراز (Daraz.pk) اور کیمو (Kaymu.pk) ایک ساتھ اس مہم میں شریک ہیں کیونکہ جب قوم اتحاد کا مظاہرہ کررہی ہے تو کیوں نہ ہم بھی ایک ہوکر قوم کو زبردست رعایت اور حیرت انگیز ڈسکاؤنٹ فراہم کریں۔
ایمزٹی وی(اسلام آباد)چیف آف آرمی اسٹاف جنرل راحیل شریف پانچ روزہ دورے پر امریکا میں موجود ہیں۔ آرمی چیف نے پینٹاگون کے دورے کے دوران امریکی فوج کے سربراہ جنرل مائیلی، چیئرمین جوائنٹ چیف آف اسٹاف جوزف ڈنفورڈ سے ملاقات کی، اس دوران امریکا کے سیکریٹری دفاع ایش کارٹر بھی موجود تھے۔ ملاقات میں دوطرفہ امور اور علاقائی سیکورٹی پر تبادلہ خیال کیا گیا۔ اپنے دورہ کے دوران جنرل راحیل شریف امریکی نائب صدر جوبائیڈن، وزیر خارجہ جان کیری اور ارکان کانگریس سے بھی ملاقات کریں گے۔ ترجمان پینٹا گون کا اپنے ایک بیان میں کہنا تھا کہ آرمی چیف جنرل راحیل شریف کے دورہ امریکا کا خیرمقدم کرتے ہیں۔ امید ہے کہ جنرل راحیل سے نتیجہ خیز بات چیت ہو گی۔
ایمزٹی وی(اسلام آباد) وزیر اعظم نواز شریف دو روزہ سرکاری دورے کے لئے ازبکستان جائیں گے۔ذرائع کے مطابق دورہ ازبکستان کا مقصد دونوں ممالک کے درمیان باہمی دلچسپی کے علاقائی اور بین الاقوامی امور پر بات چیت بھی کی جائے گی۔اس دورے کے دوران خطے میں امن اور سلامتی کی بدلتی ہوئی صورتحال کا جائزہ لینے کے علاوہ خطے میں دہشت گردی کے خاتمے کے لئے مل کر کا م کرنے پر اتفاق کیا جائیگا۔ذرائع کا مزید کہنا ہے کہ اس دوران مشترکہ اعلامیہ اور دو طرفہ تعلقات کو فروغ دینے کے لئے دستاویزات پر دستخط بھی کئے جائیں گے۔
ایمز ٹی وی (انٹرنیشنل)ترکی کے شہر انطالیہ میں جی ٹوئنٹی ممالک کا دو روزہ سربراہی اجلاس گذشتہ روز سے جاری ہو چکا ہے۔اس اجلاس کے پیش نظرملک بھرمیں سیکیورٹی کے سخت انتظامات کیے گئےہیں۔ اجلاس میں امریکا،برطانیہ،کینڈا،برازیل،فرانس اوربھارت سمیت بیس رکن ممالک شرکت کریں گے،چین کےصدر شی جن پنگ،آسٹریلوی وزیر اعظم میلکم ٹرن بل اوربھارتی وزیراعظم نریندرمودی سمیت کئی ممالک کےرہنماترکی پہنچ چکےہیں۔فرانسیسی صدرملک میں ہونے والی بدترین دہشتگردی کےباعث اجلاس میں شرکت نہیں کریں گے،جی ٹونئنٹی کانفرنس میں شام میں جاری خانہ جنگی،تارکین وطن کے بحران اوردہشتگردی کےخلاف جنگ کےامور زیرِبحث ہیں.
ایمز ٹی وی (کراچی ) وزیر اعظم میاں نواز شریف ایک روزہ دورے پر آج کراچی پہنچیں گے ،وہ پاک بحریہ کی سالانہ جنگی مشق سی اسپارک 2015 ءکا جائزہ لیں گے ۔وزیر اعظم گہرے سمندر میں پاک بحریہ کی جنگی مشقوں اور دیگر افواج کے ساتھ رابطوں اور مشترقہ آپریشنل صلاحیتوں کا بھی مشاہدہ کریں گے ۔
ایمزٹی وی(اسلام آباد)ایوانِ بالا میں سینیڑ رحمان ملک کی تحریک پر گزشتہ روز بحث ہوئی جس میں مشیر خارجہ سرتاج عزیز نے ایوانِ بالا سے خطاب کرتے ہوئے کہا ہے کہ پاکستان کے خلاف بھارتی عزائم کو بے نقاب کیا جارہا ہے۔اس حوالے سے ان کا مزید کہنا تھا کہ 7 جون کو بھارتی وزیراعظم نریندر مودی نے ڈھاکہ میں پاکستان توڑنے کی بات کی تھی جو اقوامِ متحدہ کے چارٹر کے خلاف ورزی ہے .انہوں نے ایوان بالا کو یقین دلایا کہ انڈیا کےجارحانہ رویہ کوتمام سفارتی فورمز پر تواتر اور مؤثر انداز میں بے نقاب کیا جا رہا ہے۔اس کے علاوہ وزیر اعظم نے اقوام متحدہ کو بلوچستان اور فاٹا میں "را" کی مداخت کے ثبوت بھی دے چکے ہیں۔ ان کا مزید کہنا تھا کہ عالمی برادری نے نام نہاد سیکولر انڈیا میں اقلیتوں کے ساتھ برے سلوک کا نوٹس لیا ہے۔انڈیا میں مسلمانوں سمیت اقلیتوں کے ساتھ سلوک انسانیت کے خلاف جرم ہے۔ پاکستان کے سیکوریٹی کے حوالے سے ان کا کہناتھا کہ پاکستان کی مسلح افواج ملکی خودمختاری کا تحفظ کرنے کی مکمل صلاحیت رکھتی ہیں۔