جمعرات, 16 اگست 2018


بھارتی اداکارہ نے اسلام قبول کرلیا

 

ایمزٹی وی(انٹرٹینمنٹ)بھارتی ٹی وی اداکارہ دپیکا کاکڑکی اداکار شعیب ابراہیم کے ساتھ شادی کی تصاویر سوشل میڈیا پر گردش کر رہی ہیں اور مداحوں کی جانب سے ان کے اپنے ساتھی اداکار کے ساتھ شادی کے فیصلے کو بھی خوب سراہا گیا لیکن ہر کسی کے ذہن میں یہ ایک بات ضرورتھی کی کیا اداکارہ نے اسلام قبول کر لیاہے ؟ تاہم اب اس سوال کا جواب انہوں نے دے دیاہے ۔
 
Dipika
اداکارہ دپیکا کاکڑ حال ہی میں دیئے گئے انٹرویو میں اعلان کرتے ہوئے کہا کہ ’ہاں میں اسلام قبول کر چکی ہیں اور مجھے اس پر فخر ہے یہ میں نے اپنی ذاتی خوشی کیلئے کیاہے ‘تاہم انہوں نے اس حوالے سے کسی بھی قسم کی مزید نجی تفصیلات بتانے سے انکار کر دیا۔
بھارتی اداکارہ نے انٹرویو کے دوران تصدیق کرتے ہوئے بتایا کہ ہاں میں نے اسلام قبول کر لیاہے لیکن کب ، کہاں اور کس طریقے سے ، اس بارے میں مزید بات نہیں کرنا چاہتی ۔دپیکا کاکڑ نے کہا کہ میں سمجھتی ہوں کہ یہ ایک نجی معاملہ ہے اور میرے خیال میں میڈیا کے سامنے اس پر بات کرنا ٹھیک نہیں ۔انہو ں نے کہا کہ میڈیا اور مداحوں کیلئے ہم تمام ایکٹرز اپنی زندگی کی تمام خوشیاں اور خوشگوار لمحات شیئر کرتے ہیں لیکن میرے خیال میں یہ ایک ذاتی معاملہ ہے اور میں نہیں کسی کو اس میں داخل ہونے کی اجازت نہیں دے سکتی
 
maxresdefault
ان کا کہناتھا کہ یہ سو فیصد سچ ہے کہ میں نے اسلام قبول کر لیاہے اور مجھے اس پر فخر ہے اور میں اس پر بہت خوش بھی ہوں اور یہ میں نے اپنی ذاتی خوشی کیلئے کیاہے ، اس فیصلے میں میری فیملی میرے ساتھ ہے اور میرا ارادہ کسی کو چوٹ پہنچانا نہیں ہے ۔

 

پرنٹ یا ایمیل کریں

Leave a comment