ایمزٹی وی(انٹرٹینمنٹ) ہالی وڈ اینی میٹڈ فلم ”فائنڈنگ ڈوری“ کا نیا ٹریلر ریلیز کر دیا گیا ہے تفصیلات کے مطابق ایڈونچر اور کامیڈی سے بھرپور اینی میٹڈ فلم ”فائنڈنگ ڈوری“ سمندر میں رہنے والی ایک نیلے رنگ کی خوبصورت مچھلی کے گرد گھومتی ہے جو اپنے پیاروں سے بچھڑ جاتی ہے سمندری میں راستہ بھول جانے والی ڈوری کو راہ چلتے کچھ دوست ملتے ہیں جن کو وہ اپنی داستان سناتی ہے۔ سمندر کے باسیوں سے رہا نہیں جاتا اور وہ سب مل کر ڈوری کو اس کے پیاروں سے ملانے کی ٹھان لیتے ہیں۔ فلم ”فائنڈنگ ڈوری“ کی ہدایات اینڈریو سٹینٹن اور اینگوس میک لین نے دی ہیں فلم 17جون کو سینما گھروں میں نمائش کے لیے پیش کی جائے گی۔ یاد رہے کہ اس سلسلے کی پہلی اینی میٹڈ فلم ”فائنڈنگ نیمو“ پسندیدگی کے ریکارڈ قائم کر چکی ہے۔