ایمز ٹی وی (انٹرٹینمنٹ) شہزاد رائے کی جانب سے جاری کردہ اعلامیے کے مطابق اس ملی نغمے کی شوٹ پاکستان کے بے شمار قدرتی حسین مناظرپر کی گئی ہے جس میں دیہات، پہاڑ، دریا اور صحرا شامل ہیں۔ ملی نغمے کا مقصد پاکستانی قوم کو ترقی کے راستے پرگامزن کرنے کے لئے ذہنی طورپرہم ا ہنگ کرنا ہے۔’ پاکستان زندہ باد“ نامی یہ ملی نغمہ پاکستان کے متنوع کلچر، عوام اورمعاشرے کی عکاسی کرے گا۔ پاکستان زندہ باد ریلیز کرنے کا مقصد شہزاد رائے کی پاکستان سے محبت، پاکستانی ہونے پرفخراورپاکستانیوں کو ایک قوم بنانے کی کاوش کا اظہارہے۔ شہزاد رائے کا اس حوالے سے کہنا ہے کہ پاکستان ایک حیرت انگیز ملک ہے ، جس کے پاس انتہائی زرخیز ثقافتی ورثہ ہے، ان کا کہنا تھا کہ پاکستان قدرتی خوبصورتی اور ملی جذبے سے مالا مال ہے۔ شہزاد رائے نے کہا کہ مجھے اپنے ملک پر، پاکستانی ہونے پرفخرہے اور”پاکستان زندہ باد“ اسی بارے میں ہے۔