مانیٹرنگ ڈیسک : چین کی موبائل اور دیگر آلات بنانے والی مقبول کمپنی شیاؤمی نے سستے وائر لیس کی بورڈ اور ماؤس متعارف کرا دیئے ہیں۔
حال ہی میں کمپنی کی جانب سے ایک تقریب کے موقع پر متعدد دلچسپ گیجٹس متعارف کرائے گئے جس میں دو مکینیکل کی بورڈز اور وائرلیس ماؤس بھی شامل ہیں۔ شیاؤمی کی جانب سے متعارف کرایا جانے والا نیا ایلیٹ کی بورڈ 85 کیز پر مشتمل ہے جس کے فریم لیس ڈیزائن میں یہ کیز گول شکل کی ہیں۔

اس کی بورڈ کی خاص بات یہ ہے کہ اسے بلو ٹوتھ اور یو ایس بی پورٹ دونوں سے ہی کنیکٹ کیا جا سکتا ہے، جب کہ اسے ونڈوز، میک او ایس سمیت آپریٹنگ سسٹم پر بھی چلایا جا سکتا ہے۔

شیاؤمی جی جانب سے متعارف کرائے جانے والے نئے کی بورڈ کی ہی طرح اس ماؤس کی بھی یہ خاصیت ہے کہ اسے بلو ٹوتھ اور یو ایس بی پورٹ دونوں کے ذریعے ہی استعمال کیا جا سکتا ہے۔
اس ماؤس کی پشت کا خاص ڈیزائن ’نان سلپ ٹیکسچر‘ پر مبنی ہے۔