مانہٹرنگ ڈیسک : واٹس ایپ نے تمام موبائل ایپس کو ماتدے کرتاریخ رقم کردی۔واٹس ایپ نے ایک نیا ریکارڈ قائم کرتے ہوئے سالِ نو کے 100 ارب پیغامات کا تبادلہ ممکن بنایا جن میں 12 ارب تصاویر بھی شامل تھیں

 

تاریخ میں پہلی بار کسی آن لائن پلیٹ فارم میں چند روز میں پیغامات کا اتنا زیادہ تبادلہ کیا گیا ہے۔ اس طرح کسی بھی ایپ کی تاریخ میں بھیجے گئے پیغامات کا یہ سب سے بڑا ریکارڈ بھی ہے۔ پیغامات کی اتنی بڑی تعداد سے واٹس ایپ کی مقبولیت سامنے آئی ہے اور یوں اس کی اہمیت میں مزید اضافہ ہوگیا ہے۔

 

ماسوائے چین کے واٹس ایپ دنیا کے کئی ممالک کے لیے کارآمد ہےجبکہ بعض خلیجی ممالک میں بھی متبادل ایپس استعمال ہو رہی ہیں۔

صرف چند دنوں میں واٹس ایپ پر بھیجے گئے پیغامات کو دنیا کے ہر فرد پر تقسیم کیا جائے تو دنیا میں سانس لینے والے ہر فرد کے حصے میں 13 پیغامات آئیں گے۔ اس میں 20 ارب پیغامات بھارت سے کیے گئے اور برطانیہ سے نئے سال کی مبارکباد کے 90 کروڑ پیغامات بھیجے گئے۔

 

اس موقع پر واٹس ایپ نے خوشی کا اظہار کرتے ہوئے بتایا کہ عشرے کے اختتام پر دنیا بھر کے لوگوں نے اپنے دوستوں اور عزیزوں سے رابطہ کیا اور واٹس ایپ فون اور ای میل کا متبادل ثابت ہوئی ہے۔

 

واٹس ایپ کا خیال ہے کہ ایک صارف سے دوسرے صارف تک پیغام کو خفیہ رکھنے (انکرپشن) ٹیکنالوجی سے پیغامات کی نوعیت تک معلوم نہیں ہوسکی لیکن اتنا ضرور پتا ہے کہ یہ نئے سال کی مبارکباد کے پیغامات ہوسکتے ہیں۔