Print this page

واٹس ایپ کی پرائیوسی پر ٹیلی گرام کادلچسپ انداز

مانیٹرنگ ڈیسک : مقبول ترین مسیجنگ ایپ واٹس ایپ نے گزشتہ ہفتے اپنی پرائیویسی میں تبدیلی کے اعلان کے بعد صارفین کی جانب سے تنقید اور غصے کااظہار کیا جارہاہے۔

جس کے بعد اب موبائل ایپ ٹیلی گرام نے بھی سماجی رابطے کی ویب سائٹ ٹوئٹر پر دلچسپ انداز میں اپنے خیالات کااظہار کیاہے جس پر صارفین کی جانب سے خوب تبصرے کیے گئے۔

میسجنگ سروس ٹیلی گرام نے اپنے آفیشل ٹوئٹر اکاؤنٹ پر ایک میم شیئر کی جس میں 2 اسپائیڈر مین ایک دوسرے کی طرف اشارہ کررہے ہیں اور ان میں سے ایک کے سر پر فیس بک جبکہ دوسرے پر واٹس ایپ کا آئیکون موجود ہے۔

سال 2020 میں میمز کے طور پر وائرل ہونے والے کوفن ڈانس ( گھانا کے افراد کی تابوت اٹھائے رقص کرتے ہوئے ایک ویڈیو ) کی مختصر سی ویڈیو موجود تھی جس پر واٹس ایپ کی جانب سے صارفین کو ارسال کی گئی پرائیویسی پالیسی موجود ہے۔

Image

جس سے ایسا ظاہر ہوتا ہے کہ ٹیلی گرام، واٹس ایپ صارفین کی جانب سے دیگر میسجنگ ایپس کا رخ کرنے پر مزاحیہ انداز اپناتے ہوئے ان کی پالیسی کو نشانہ بنارہا ہے۔

ایسی مزاحیہ ٹوئٹ پر صارفین تبصرہ کئے بغیر نہ رہ سکے جسکا جواب ٹیلی گرام نے بھی بھرپور انداز میں دیا ہے

خیال رہے کہ واٹس ایپ کی پرائیویسی پالیسی متعارف ہونے کے بعد دنیا کے امیر ترین شخص ایلون مسک نے ایک ٹوئٹ میں سگنل ایپ کے استعمال کی تجویز کی تھی۔

ان کی اس ٹوئٹ کے بعد سگنل پر نئے صارفین کی تعداد میں بہت زیادہ اضافہ ہوا کہ نئے صارفین کی رجسٹریشن میں تاخیر بھی ہوئی۔

پرنٹ یا ایمیل کریں