Print this page

سعودیہ میں مرد زن کے لئے یکساں قوانین کا نفاذ

 

ایمزٹی وی(ریاض)سعودى محکمہ ٹریفک نے واضح کیا ہے کہ خواتین کو ٹریفک قوانین کے بموجب موٹرسائیکل اور ٹرک چلانے کی بھی اجازت ہو گی۔ اس سلسلے میں مردد و زن میں کوئی فرق نہیں کیا جائے گا۔ جو بھی موٹرسائیکل یا ٹرک چلانے کی اہلیت اور شرائط پوری کرے گا وہ مرد ہو یا عورت اسے اس کا ڈرائیونگ لائسنس جاری کر دیا جائے گا۔
18برس کی عمر میں موٹرسائیکلوں اور نجی کاروں کا ڈرائیونگ لائسنس دیا جائے گا جبکہ 20برس کی عمر میں ہیوی ڈرائیونگ لائسنس دیا جا سکے گا۔ 17برس مکمل کرنے پر عارضی لائسنس دینے کی گنجائش ہے۔محکمہ ٹریفک نے بتایا کہ خواتین کی گاڑیوں کی نمبر پلیٹ اور مردوں کی گاڑیوں کی نمبرپلیٹ میں کوئی فرق نہیں ہو گا۔
محکمہ ٹریفک نے اس سوال کا کوئی جواب نہیں دیا کہ آیا خواتین ڈرائیور کے طور پر ملازمت کر سکیں گی یا نہیں۔ محکمہ نے توجہ دلائی کہ اس کا تعلق وزارت محنت و سماجی فروغ سے ہے۔
 

 

پرنٹ یا ایمیل کریں