جمعہ, 23 اگست 2019


دشمن اتناپریشان ہےکہ ڈھنگ سےسوچ بھی نہیں سکتا، حسن روحانی

 
 
تہران: ایرانی صدر حسن روحانی نے کہا ہے کہ جوادظریف پرپابندی امریکا کی بچگانہ حرکت ہے، دشمن اتناپریشان ہےکہ ڈھنگ سےسوچ بھی نہیں سکتا، امریکاایران کو ملے جلے اشارے دے رہا ہے۔
 
تفصیلات کے مطابق ایرانی صدر حسن روحانی نے ایرانی وزیر خارجہ جواد ظریف پر پابندی کو امریکا کی بچگانہ حرکت قرار دیتے ہوئے کہا امریکاپیشگی شرائط کے بغیربات چاہتا ہے اور پابندی بھی لگارہاہے۔
 
حسن روحانی کا کہنا تھا دشمن اتنا پریشان ہے کہ ڈھنگ سےسوچ بھی نہیں سکتا، امریکا ایران کو ملے جلے اشارے دے رہا ہے۔
 
یاد رہے امریکا نے ایرانی وزیرخارجہ جواد ظریف پر پابندیاں عائد کرتے ہوئے ان کے اثاثے بھی منجمد کردیے جبکہ جوادظریف کے غیرملکی دوروں میں کمی پربھی غور کررہا ہے۔
 
ایرانی وزیرخارجہ نے امریکی پابندی پر ردعمل دیتے ہوئے کہا مجھ پر اور اہلخانہ پر پابندیوں سے کوئی فرق نہیں پڑے گا، میری ایران کے علاوہ کہیں کوئی جائیداد نہیں ہے، میری ایران کے علاوہ نہ کہیں دلچسپی ہے اور نہ جائیداد ہے۔
 
ان کا کہنا تھا کہ مجھے ’ہدف‘ بنانے کا مقصد یہ ہے کہ دنیا میں ایران کا اہم ترجمان ہوں۔ کیا سچ اتنا تکلیف دہ ہوتا ہے؟ اور تنزیہ انداز میں کہا کہ ’مجھے امریکی ایجنڈے کے لیے اتنا بڑا خطرہ سمجھنے کا شکریہ’

پرنٹ یا ایمیل کریں

Leave a comment