ایمز ٹی وی (کراچی) پیپلز پارٹی کے چیئرمین بلاول بھٹو زرداری نے کہا ہے کہ نواز شریف اپنا بویا ہوا کاٹ رہے ہیں، ہم سے گلہ کیسا؟ پیپلز پارٹی کے سیکرٹری اطلاعات چودھری منظور سے گفتگو کرتے ہوئے انہوں نے مزید کہا کہ میاں صاحب اپنا ماضی دیکھیں پھر ہم سے گلہ کریں۔
بلاول بھٹو زرداری کا کہنا تھا کہ نواز شریف سے جب جب ہاتھ ملایا تب تب انہوں نے دھوکا دیا، اے آر ڈی سے سی او ڈی اور ای او ڈی سے مشرف کے مقدمے تک نواز شریف نے دھوکا دیا۔
انہوں نے مزید کہا کہ آج ناانصافی کی باتیں کرنے والے نواز شریف نے پی سی او ججوں کو تحفظ دیا، افتخار چوہدری کی محبت میں میثاق جمہوریت توڑ دیا تھا۔ چیئرمین پی پی پی کا یہ بھی کہنا تھا کہ نواز شریف نے ہمیشہ ہماری جمہوریت پسندی کو استعمال کیا، ہمیں نون لیگ سے جمہوریت پسندی کا سرٹیفکیٹ نہیں لینا۔
ایمز ٹی وی (سندھ) ’’زرداری بھگاؤ سندھ بچاؤ‘‘ مارچ کرپشن کے تابوت میں آخری کیل ثابت ہوگا عوام 8دسمبر کو زرداری کی سیاست کا سورج غروب کردیں گے ،گل محمدرند ودیگر 8دسمبرکا ‘‘زرداری بھگاؤ سندھ بچاؤ ’’مارچ کرپشن کے تابوت میں آخری کیل ثابت ہوگا، پیپلزپارٹی نے آصف زرداری کی قیادت میں سندھ کو تباہ و برباد کرکے کھنڈر بنا دیا ہے ،تعلیم ہے نہ صحت اور نہ ہی روزگار، کوئی بھی بنیادی سہولت عوام کو میسر نہیں ہے ،بس جیالے اورمتوالے اپنے لیڈروں کے ساتھ مل کر کرپشن کا بازار گرم کررہے ہیں ۔
ان خیالات کا اظہار پاکستان تحریک انصاف دادو ڈویژن کے صدر گل محمد رند نے ہمدرد ہاؤس میں منعقد ہ تین اضلاع کے اجلاس کے بعد میڈیا کے نمائندگان سے گفتگو کرتے ہوئے کیا۔
ان کا کہنا تھا اب وقت آگیا ہے کہ سندھ کے عوام اپنے حقوق کے لئے جابر حکمرانوں سے اپنی جان چھڑائیں۔ اجلاس میں جامشورو کے ضلعی صدر ملک پہاڑ خان نے کہا کہ پاکستان تحریک انصاف پوری تیاری سے اس بار الیکشن میں بھرپور حصہ لے گی اور کامیاب ہو کر کرپٹ سیاستدانوں کا احتساب کریگی، نوشہروفیروز کے صدر قاضی ارمان ،نوابشاہ کے صدر مجید مگسی ودیگر نے کہا کہ ہم آج کے اجلاس میں کپتان کے ‘‘زرداری بھگاؤ سندھ بچاؤ مارچ’’ کو حتمی شکل دے چکے ہیں انشااللہ لوگوں کا سمندر نکلے گا اورزرداری کی سیاست کا سورج غروب ہو جائے گا۔
ایمز ٹی وی (کراچی) پیپلزپارٹی کے رکن سندھ اسمبلی سعید غنی نے کہا ہے کہ کراچی کے حالیہ ضمنی الیکشن میں ایم کیوایم کا ووٹ بینک کم ہوا ہے کیونکہ ٹھپے مار کرووٹ لینے کا دور ختم ہوگیا ہے،ٹھپے مارنے والی ان کی مشین خراب ہوگئی ہے۔
آئندہ الیکشن سے قبل ایم کیوایم اور پی ایس پی ایک ہوں گے،ایم کیوایم نے ہمیشہ سہارے تلاش کیئے،ٹھپوں اور لوگ مارنے کا دور ختم ہوگیا، وہ منگل کو سندھ اسمبلی اجلاس سے قبل میڈیا سے گفتگو کررہے تھے۔ سعید غنی نے کہا کہ اچھے خواب دیکھنا بری بات نہیں، میں خواب نہیں دیکھتا سیاسی کارکن ہوں، سعید غنی نے دعوی کیا کہ 2018میں پیپلزپارٹی کراچی کی سب سے بڑی جماعت ہوگی،
انہوں نے کہا کہ ایم کیوایم نے ہمیشہ سہارے تلاش کیے، نتائج بدلنا،پولنگ اسٹیشنز ہائی جیک کرنا، دھاندلی کے لیے لوگوں کو مارنا یہ سب اب ختم ہوگیا ہے،
ایک سوال کے جواب میں انہوں نے کہا کہ ایم کیوایم کے تمام دھڑے الیکشن سے پہلے دوبارہ اکٹھے ہوں گے،وہ پھر ایک رہنما تلاش کریں گے تاکہ پھر سے ٹھپے لگا سکیں سیاسی جماعتوں کا اتحاد ہونا چاہئے لیکن جبر نہیں ہونا چاہئے،بلاول بھٹو نے ڈاکٹرعاصم کی خدمات کا اعتراف کیا ہے۔ پارٹی کو مضبوط کرنا میرا فرض اور حق ہے پیپلزپارٹی کراچی میں مقبول ہورہی ہے،انہوں نے کہاکہ میں ایک ٹی وی اینکر کے الزامات کا جواب دینے کے لیے آج اسلام آباد جا رہا ہوں مجھ پر کرپشن کے الزام لگانے والے اینکر کو چیلنج کرتا ہوں کہ وہ عوام کے سامن