ایمز ٹی وی (فارن ڈیسک)
یوکرین کے بحران پر پورے یورپ میں فوجی کشیدگی کی خفیف لہریں محسوس کی جا رہی ہیں۔
نیٹو نے یوکرین میں روس کی دخل اندازی کے جواب میں کیئف کے ساتھ اپنے رشتے کو مضبوط کرنا شروع کیا ہے اور مشرقی اور وسطی یورپ کے اپنے اتحادیوں کے ساتھ فضائی نگرانی اور فوجی مشقوں میں اضافہ کیا ہے۔
لندن میں قائم یورپی لیڈرشپ نیٹ ورک نامی تھنک ٹینک نے ایک تفصیلی مطالعہ پیش کیا ہے جس میں روس کی سرگرمیوں کے بارے میں زیادہ وثوق سے بات کی گئی ہے۔۔
قومی فضائی حدود کی خلاف ورزیوں کی پریشان کن تصویر ابھرتی ہے جس میں ایک بڑے جغرافیائی علاقے میں بحرانی کشمکش، فضا میں طیاروں کے ٹکرانے سے بال بال بچنا، سمندر میں قریبی تصادم اور اسی قسم کے مسلسل دوسرے واقعات شامل ہیں۔‘
جنگ کے خطرات کو بڑھانے والے واقعات میں انتہائی قریب سے طیارے کی نگرانی کرنا شامل ہے
رپورٹ میں کہا گیا ہے کہ مسلسل تصادم کے علاوہ ’11 ایسے سنجیدہ واقعات ہوئے ہیں جو جنگ کے خطرے کو بڑھاتے ہیں۔‘
ان میں نگرانی کرنے والے طیاروں کو ہراساں کرنا، جنگی طیاروں کے اوپر بہت قریب سے طیارہ لے جانا اور روس کے ’نقلی بمبار حملوں کے مشن‘ شامل ہیں۔
رپورٹ کے مطابق ’جان و مال کے خطرے یا براہ راست فوجی تصادم کا بہت خطرہ تھا۔‘
کوپن ہیگن سے اڑنے والے ایس اے ایس شہری طیارے کا روسی نگرانی کرنے والے جنگی طیارے سے ٹکرانے سے بال بال بچنا بھی شامل ہے جو رپورٹ کے مطابق محض فوجی کھیل نہیں۔
رپورٹ کا کہنا ہے کہ یہ حقیقی خطرات ہیں کیونکہ روسی طیارے اپنی پوزیشن کی نشاندہی کے لیے استعمال میں لائے جانے والے طریقے کا استعمال نہیں کرتے۔
ایمز ٹی وی (فارن ڈیسک)
نو نومبر 1989 کو دیوار برلن کے انہدام کو یورپ میں سرد جنگ کے خاتمے سے تعبیر کیا جاتا ہے۔اس تقریبات کے اختتام پر آٹھ ہزار گیس سے بھرے ہوئے غبارے ہوا میں چھوڑے گئے
میخائل گورباچوف نے کہا ہے کہ یورپ نے سوویت یونین کے خاتمے کو اپنی فتح گردان کر بغلیں بجانی شروع کر دیں جس سے روس ناراض ہوا۔انھوں نے مغربی دنیا کو مشورہ دیا کہ وہ روس کو مزید ناراض نہ کرے اور بات چیت کے ذریعے معاملات کو طے کرے۔
برلن کی شہری حکومت نے اسی مقام پر سٹیزن پارٹی کا اہتمام کیا جہاں سے پچیس سال پہلے ہزاروں جرمنوں نے دیوار کو عبور کیا۔ دیوار برلن کو 1961 میں تعمیر کیا گیا تھا تاکہ لوگ مشرقی جرمنی سے بھاگ نہ سکیں۔
برلن کے میئر کلاوس ووریٹ نے پہلا غبارہ ہوا میں چھوڑتے ہوئے کہا :’ہم دنیا کے خوش نصیب لوگ ہیں۔ ہمیں اس بات کی انتہائی خوشی ہے کہ ہم نے 25 برس پہلے اس دیوار کو گرا دیا تھا۔‘
برلن کی شہری حکومت نے ان رہنماؤں کو بھی مدعو کیا جنہوں نے سرد جنگ کے خاتمے میں کردار ادا کیا تھا
ایمزٹی وی:(کراچی) لیاری کےعلاقے جھٹ پٹ مارکیٹ میں کچھی جماعت خانے کے قریب نامعلوم افراد نے فائرنگ کرکے 17 سالہ نوجوان کوقتل کردیا، پولیس نے شبہ ظاہر کیا ہے کہ مقتول کو مخالف گروہ نے اغواء کے بعد قتل کیا ہے، سرجانی ٹاؤن سیکٹر ایل ون میں بابا موڑ کے قریب 40 سالہ عمران ٹارگٹ کلنگ کا شکار ہوگیا۔ گلستان جوہر بلاک 14 میں فائرنگ سے خاتون جاں بحق ہوگئی۔ اس کے علاوہ محمودآباد کےعلاقے سےایک نوزائیدہ کی لاش بھی ملی ہے۔
ڈالمیا کے قریب مبینہ پولیس مقابلے میں ایک ڈاکو ہلاک ہوگیا۔ پولیس کا کہنا ہے کہ ملزم ڈکیتی کی واردات کے بعد فرار ہو رہا تھا کہ پولیس پہنچ گئی اور فائرنگ کے تبادلے میں ملزم مارا گیا۔
ایمز ٹی وی (لاہور) وفاقی وزیر تجارت خرم دستگیر نے لاہورمیں وزیراعلیٰ پنجاب سے ملاقات کی۔ اس موقع پر ملکی سیاسی صورتحال اور پاکستان اور چین کے مابین ہونے والے معاہدوں کے حوالے سے تبادلہ خیال کیا گیا۔ ان کا کہنا تھا کہ چینی قیادت نے وزیراعظم نواز شریف کی قیادت پر بھرپور اعتماد کا اظہار کیا ہے۔ دھرنا سیاست دھری کی دھری رہ گئی،ترقی کے مخالفین کو پاک چین معاہدوں سے مایوسی ہوئی ہے، ترقی اور خوشحالی کا سفر جاری و ساری رہے گا۔وزیراعلیٰ شہباز شریف کا کہنا تھا کہ مسلم لیگ (ن) کی حکومت کا ہر قدم عوام کی فلاح و بہبود کیلئے اٹھ رہا ہے۔ چین کے ساتھ معاہدوں پر تیز رفتاری اور شفافیت کے ساتھ عملدر آمد کیا جائے گا۔
ایمز ٹی وی (نیوز ڈیسک)
افغان حکام کے مطابق دھماکہ مشرقی صوبے لوگر میں ہوا جہاں خودکش حملہ آور نے پولیس اہلکاروں کو نشانہ بنایا۔
حکام کے مطابق اس حملے میں ایک پولیس افسر سمیت سات پولیس اہلکار مارے گئے۔
اطلاعات کے مطابق حملہ آور فوجی وردی میں ملبوس تھا اور اس نے کمانڈر کو اس وقت نشانہ بنایا جب وہ اپنے دفتر پہنچے۔
ادھر پیر کو ہی مشرقی افغانستان کے شہر جلال آباد میں پولیس کی گاڑی کو ریموٹ کنٹرول بم سے نشانہ بنایا گیا۔
صوبائی ترجمان احمد ضیا عبدالزئی کے مطابق اس حملے میں تین پولیس اہلکار مارے گئے۔
افغانستان میں تعینات غیر ملکی افواج کے انخلا کا وقت جیسے جیسے قریب آ رہا ہے ملک میں طالبان کی کارروائیوں میں ایک مرتبہ پھر تیزی دیکھنے کو مل رہی ہے۔
ایمز ٹی وی (کراچی) سندھ اسمبلی اجلاس سے قبل میڈیا سے بات چیت کرتے ہوئے وزیراطلاعات سندھ شرجیل میمن کا کہنا ہے کہ ملک بھر میں 600 بچوں کی روزانہ اموات ہوتی ہے لیکن تھر میں 2 بچوں کی ہلاکتوں پر شور شرابہ کیا جارہا ہے جبکہ تھر میں بچوں کی ہلاکتوں سے متعلق میڈیا میں آنے والی رپورٹ جعلی تھی۔شرجیل میمن کا کہنا تھا کہ تھرپارکر سندھ کا سب سے زیادہ پسماندہ ضلع ہے جہاں حکومت ریلیف کا کام بخوبی انجام دے رہی ہے اور پہلے مرحلے میں ضلع میں میٹھے پانی کے لئے آر او ز پلانٹ لگائے گئے ہیں، اگر تھرپارکر میں بارش نہیں ہوئی تو اس میں حکومت کچھ نہیں کرسکتی۔وزیراطلاعات سندھ کا کہنا تھا کہ سندھ حکومت میں کوئی تبدیلی نہیں کی جارہی، حکومت دہشتگردوں کا مقابلہ کررہی ہے ۔
ایمز ٹی وی (اسلام آباد) مسلم لیگ ن کی رہنماءماروی میمن نے کہا ہے کہ ہماری حکومت عوام کے مینڈیٹ سے وجود میں آئی ہے ، ہم کسی مک مکا کے نتیجے میں حکومت میں نہیں آئے۔ان کا کہنا تھا کہ اقبال ڈے پر عوام کو عدم برداشت سکھایا جا رہا ہے جو نظریہ پاکستان کے خلاف ہے ،ان کو ایسی باتیں نہیں کرنی چاہیئے۔دھرنے کے حوالے سے ماروی میمن نے کہا کہ دھرنا اب چھوٹی سی دھرنی میں تبدیل ہو گیا ہے جبکہ ڈی جے بٹ بھی اب لوگوں کو اپنی طرف متوجہ کرنے میں ناکام ہو گئے ہیں۔
ایمز ٹی وی (فارن ڈیسک)
امریکی صدر اوباما نےکہا کہ
امریکہ اور اس کے اتحادی عراقی افواج کی دولت اسلامیہ کے جنگجوؤں کے ہاتھوں پسپائی کے بعد عراقی افواج کی مدد کو آئے ہیں۔ دولت اسلامیہ نے شام اور عراق کے وسیع علاقوں پر قبضہ جما رکھا ہے۔
امریکہ اور اس کے اتحادی عراقی اور کرد افواج کی مدد کے لیے دولت اسلامیہ کے خلاف فضائی کارروائی میں مصروف ہیں ۔
اطلاعات کے مطابق عراقی افواج نے بیجی شہر کے بڑے حصے پر دوبارہ قبضہ حاصل کر لیا ہے۔ اس شہر میں عراق کی سب سے بڑی آئل ریفائنری واقع ہے۔
دولتِ اسلامیہ کے جنگجوؤں نے عراق اور شام کے وسیع علاقوں پر غلبہ قائم کر رکھا ہے
امریکی صدر نے کہا کہ شدت پسندوں کے خلاف فضائی کارروائیوں سے ان کی آگے بڑھنے کی صلاحیت کم ہوئی ہے اور اب ضروری ہے کہ عراقی افواج دولت اسلامیہ کے جنگجوؤں کے خلاف آگے بڑھیں اور ان کو ان علاقوں سے بے دخل کریں جہاں پر انھوں نے قبضہ کر لیا تھا۔
امریکی افواج دولت اسلامیہ کے جنگجوؤں کے خلاف زمینی کارروائیوں میں حصہ نہیں لے رہے بلکہ وہ عراقی افواج کی تربیت اور رہنمائی کر رہے ہیں
پینٹاگون کی طرف سے جاری ہونے والے ایک بیان میں کہا گیا ہے کہ امریکی افواج نو عراقی اور تین کرد بریگیڈوں کو تربیت مہیا کریں گے اور اس مقصد کے لیے مراکز بنائے جائیں گے۔
ایمز ٹی وی (اسلام آباد) عمران خان کے رحیم یار خان جلسہ کی تقریر کے رد عمل میں وفاقی وزیر اطلاعات اور حکومت پاکستان کے ترجمان پرویز رشید نے کہا ہے کہ عمران کان اگر سچائی کا درس دیتے ہیں تو انہیں خیبر پختونخواہ میں اپنی ناکامیوں کا اعتراف بھی کرنا چاہیے۔ پرویز رشید کا کہنا تھا کہ ملک میں اربوں روپے کی سرمایہ کاری آ رہی ہے جو اس بات کا ثبوت ہے کہ کون ملک کی ترقی چاہتا ہے اور کون ترقی کی راہ میں رکاوٹ بن رہا ہے۔وزیر اعظم پاکستان کے دورہ چین کے حوالے سے ان کا کہنا تھا کہ میاں نواز شریف کے دورہ چین سے عمران خان کے رکاوٹ ڈالنے کے خواب چکنا چورہو گئے ہیں۔اور چین کی جانب سے پاکستان میں سرمایہ کاری کرنا پاکستان حکومت کی شفافیت کی دلیل ہے۔انہوں نے مزید کہا کہ عوام نے ووٹ ڈال کر نیا پاکستان بنا لیا ہے اور اب عوام اپنے مینڈیٹ کا تحفظ کرنا بھی جانتے ہیں اور وہ عمران خان کے جھوٹے دعووں کو قبول نہیں کریں گے۔
ایمز ٹی وی (رحیم یار) رحیم یار خان میں جلسے سے خطاب کرتے ہوئے تحریک انصاف کے وائس چیئرمین شاہ محمود قریشی نے کہا کہ چیف الیکشن کمشنر کے عہدے کیلئے نہ جھکنے اور نہ بکنے والا شخص چاہیے جس پر سب کو اعتماد ہو۔ شاہ محمود قریشی وزیراعظم نواز شریف کو مخاطب کرتے ہوئے کہا کہ میاں صاحب! آپ کی کہانی مُک گئی ہے۔ آصف زرداری بھی سن لیں 21 نومبر کو لاڑکانہ آ رہے ہیں جتنی چاہے رکاوٹیں ڈال لیں،انھوں نے کہا کہ قومیں قرضوں سے نہیں، جذبوں سے بنتی ہیں۔