ایمز ٹی وی فارن ڈیسک ۔

ویٹیکن میں رومن کیتھلک چرچ کونسل کے بین المذاہب کے سربراہ کارڈینل ژو لوئی ٹوروں نے ایک بیان میں کہا ہے کہ ان کو قصور میں عیسائی جوڑے شہزاد مسیح اور شمع بی بی کی مار پیٹ اور زندہ جلائے جانے کی تفصیلات جان کر نہایت حیرت ہوئی ہے۔

انھوں نے پاکستان کے رہنماؤں سے مطالبہ کیا کہ وہ اس مجرمانہ فعل کی مذمت کریں۔

ان کا کہنا تھا ’اس مجرمانہ فعل سے تمام انسانیت شرمندہ ہوئی ہے۔ سب سے پہلے متاثر مسلمان ہوئے ہیں کیونکہ ایسے مجرمانہ فعل اسلام کی شبیہہ کو خراب کرتے ہیں۔‘

یاد رہے کہ چار نومبر کو پنجاب کے ضلع قصور میں کے نواحی گاؤں رادھا کشن میں ایک مشتعل ہجوم نے ایک عیسائی جوڑے کو قرآن کی مبینہ بے حرمتی کرنے کے الزام میں ہلاک کر دیا تھا۔

ایمز ٹی وی (تھرپارکر) تھرپارکر کی تحصیل چھاچھرو اور مٹھی کے سول اسپتال میں قحط سالی کے شکار 2 بچے دوران علاج چل بسے جس کے بعد ایک ماہ میں غذائی قلت کے باعث ہلاک بچوں کی تعداد 29 اور گزشتہ 38 روز کے دوران ہلاکتوں کی تعداد 39 تک پہنچ گئی۔ مٹھی کے سول اسپتال میں غذائی قلت کے شکار متعدد بچے اب بھی زیر علاج ہیں۔واضح رہے کہ صوبائی وزیر منظور وسان کی جانب سے ترتیب دی گئی رپورٹ میں تھر میں ہونے والی ہلاکتوں کا ذمہ دار سندھ حکومت اور صوبائی اداروں کو ٹھہرایا گیا  تھا جس کا نوٹس لیتے ہوئے چیئرمین پیپلزپارٹی بلاول بھٹو زرداری نے وزیراعلی سندھ اور صوبائی وزیر منظور وسان کو شو کاز نوٹس جاری کردیا ہے۔

ایمز ٹی وی فارن ڈیسک 

امریکی نیوی سیلز کے سابق اہلکار رابرٹ اونیل نے  ایک انٹرویو میں کہا کہ اسامہ بن لادن کی جس گولی سے ہلاکت ہوئی تھی وہ انھوں نے چلائی تھی۔

تاہم یہ رابرٹ کا یہ دعویٰ اسی ٹیم میں شامل میٹ بسونیٹ کی کتاب میں اس کارروائی کے حوالے سے دی گئی معلومات کے مترادف ہے۔

رابرٹ کے مطابق وہ اور ایک اور نیوی سیل، جن کا نام ظاہر نہیں کیا گیا، ایبٹ آباد میں اسامہ بن لادن کے کمپاؤنڈ کی تیسری منزل پر گئے اور دیکھا کہ اسامہ نے ایک کمرے کے دروازے سے باہر دیکھا۔

میٹ اور رابرٹ جو بھی کہیں اصل حقیقت کئی سال بعد امریکی حکومت کی جانب ہی سے سامنے آئے گی

رابرٹ کا کہنا ہے کہ تھوڑی ہی دیر بعد وہ کمرے میں داخل ہوئے اور انھوں نے اسامہ کے سر پر گولیاں ماریں۔

تاہم میٹ بسونیٹ نے اپنی کتاب ’نو ایزی ڈے‘ میں دعویٰ کیا ہے کہ پوائنٹ مین (یعنی وہ سیل جن کا نام ظاہر نہیں کیا گیا) نے اسامہ کو ہلاک کیا۔

ایبٹ آباد میں واقع اسامہ بن لادن کے مکان میں اندھیرے کی وجہ سے نیوی سیلز یہ سوال اٹھا رہے ہیں کہ آیا اس بات کا تعین کرنا ممکن ہے کہ اسامہ بن لادن کی موت کس کی گولی سے ہوئی

دوسری جانب میٹ اپنی کتاب میں خفیہ معلومات شائع کرنے کے حوالے سے زیر تفتیش ہیں۔

میٹ اور رابرٹ جو بھی کہیں اصل حقیقت کئی سال بعد امریکی حکومت کی جانب ہی سے سامنے آئے گی۔

امریکی محکمہ دفاع نے رابرٹ کی جانب سے کیے جانے والوں دعوؤں کے برے میں کوئی تبصرہ نہیں کیا ہے۔ تاہم سینییر حکام نے پچھلے ہفتے نیوی سیلز کو ایک خط ارسال کیا ہے جس میں کہا گیا ہے کہ وہ آپریشنل معلومات کے حوالے سے تبصرے کرنے سے اجتناب کریں۔

ایمز ٹی وی (کراچی) آئی ایس آئی کے ڈائریکٹر جنرل لیفٹیننٹ جنرل ظہیر الاسلام کی مدت ملازمت آج ختم ہو رہی ہے ،جس  کے بعد وہ آج اپنی ذمہ داریوں سے سبکدوش ہوگئے ہیں۔ ان کی ریٹائرمنٹ کے بعد نئے سربراہ لیفٹننٹ جنرل رضوان آخترہونگے، جو  آج ملک کے سب سے بڑے انٹلی جنس ادارے کے سربراہ کی حیثیت سےاپنی  ذمہ داریاں سنبھالیں گے۔یاد رہے کہ  لیفٹیننٹ جنرل رضوان اختر ترقی سے قبل کراچی میں ڈی جی رینجزز کے عہدے پر فائز تھے۔