ایمزٹی وی(کوئٹہ) ڈیرہ بگٹی کے علاقے سوئی میں آتشزدگی سے متاثرہ گیس پلانٹ کی بحالی کا کام 2روز بعد بھی مکمل نہ ہوسکا۔ صورتحال کے باعث کوئٹہ سمیت صوبے کے مختلف علاقوں میں گیس کی فراہمی دوسرے روز بھی متاثرسی این جی اسٹیشنز بھی بند ہیں۔ 2روز قبل سوئی میں آتشزدگی سے گیس پلانٹ متاثر ہونے سے صوبے میں گیس کا بحران پیدا ہوگیا تھا۔ تاہم سوئی میں آتشزدگی سے متاثرہ گیس پلانٹ کی بحالی کا کام 2روز بعد بھی مکمل نہیں ہوسکا ہے۔ کوئٹہ میں گیس کی بندش کے باعث شدید سرد موسم میں شہریوں کو شدید پریشانی کا سامنا ہے۔ گیس کی فراہمی متاثر ہونے کے باعث خواتین کو گھروں میں کھانا پکانے میں بھی شدید مشکلات پیش آرہی ہیں جبکہ ہوٹلوں میں اس مقصد کے لئے گیس سیلنڈراستعمال کئےجارہے ہیں۔ دوسری جانب صورتحال کےباعث کوئٹہ اور دیگرعلاقوں میں سی این جی اسٹیشنز بھی بند ہیں۔ سوئی سدرن گیس کمپنی ذرائع کے مطابق متاثرہ گیس پلانٹ سے آج شام تک گیس بحال ہونے کا امکان ہے ۔