ایمز ٹی وی (پشاور)خیبر پختونخوا میں تین روزہ پولیو مہم کے دوران تقریباً26 ہزار والدین نے بچوں کو پولیو کے قطرے پلانے سے انکار کیا۔ای پی آئی انچارج رحیم خٹک نے بتایا کہ صوبے کے 19 اضلاع میں 25800 والدین نے پولیو رضاکاروں سے تعاون کرنے سے انکار کیا،مہم کے دوران کل 42 لاکھ بچوں کو قطرے پلائے گئے مگر گھروں پر غیر موجودگی کی وجہ سے دو لاکھ بچے پولیو ویکسین سے محروم رہے۔رواں سال پاکستان میں اب تک پولیو کے 32 کیس سامنے آ چکے ہیں ، جن میں سے آخری دو خیبر ایجنسی میں ریکارڈ ہوئے -