ایمز ٹی وی (پشاور) فاٹا کی ایجنسی جنوبی وزیرستان میں امریکی ڈرون حملے کے نتیجے میں کم از کم 6 مبینہ دہشت گرد ہلاک ہوگئے۔ذرائع کے مطابق جنوبی وزیرستان کی تحصیل سروکئی میں امریکی ڈرون نے 2 میزائل داغے جس کے نتیجے میں کم از کم 6 مبینہ دہشت گرد ہلاک جبکہ ان کا ٹھکانہ تباہ ہوگیا۔ تاحال ہلاک ہونے والے دہشت گردوں کی شناخت ظاہر نہیں کی گئی۔یاد رہے کہ وفاق کے زیرِ انتظام پاک افغان سرحد پر واقع شمالی وزیرستان،جنوبی وزیرستان اور خیبر ایجنسی سمیت سات ایجنسیوں کو عسکریت پسندوں کی محفوظ پناہ گاہ سمجھا جاتا ہے اور یہاں دہشت گردوں اور سیکیورٹی فورسز کے مابین جھڑپوں کے واقعات ہوتے رہتے ہیں۔