جمعہ, 29 مارچ 2024


نیب کے ڈپٹی ڈائریکٹر کے گھر پر حملہ

ایمزٹی وی(گلگت بلتستان) گلگت میں نامعلوم ملزمان نے نیب کے ڈپٹی ڈائریکٹر عبدالماجد کے گھر پر حملہ کر دیا تاہم وہ محفوظ رہے ۔
میڈیا ذرائع کے مطابق نامعلوم حملہ آوروں نے گلگت میں کرپشن کے اہم مقدمات کی تحقیقات کرنے والے نیب کے تفتیشی افسر عبدالماجد کو رات گئے نشانہ بنانے کیلئے اندھا دھند فائرنگ کی اورکیمیکل چھڑک کر گھر کو نظر آتش کر دیا ۔
شرپسندوں نے گھر کے مرکزی دروازے اور راہداریوں میں آگ لگا کر راستہ بند کردیا اور پھر فرار ہو گئے تاہم عبدالماجد نے اپنی مدد آپ کے تحت اہل خانہ کو بحفاظت گھر سے باہر نکال لیا ۔
ذرائع کا کہنا ہے کہ تفتیشی افسر گلگت میں کرپشن کے بڑے مقدمات کی تحقیقات کررہے ہیںاورواقعے کے بعد پولیس نے جائے وقوعہ پر پہنچ کر تحقیقات کا آغاز کردیا ہے۔

پرنٹ یا ایمیل کریں

Leave a comment