Print this page

؟گلگت بلتستان کے بجٹ میں 8بلین کا اضافہ

 

ایمزٹی وی (گلگت بلتستان )وزیر اعلیٰ گلگت بلتستان حافظ حفیظ الرحمن نے آئندہ مالی سال کے بجٹ کے حوالے سے صوبائی سیکریٹری خزانہ کی جانب سے دیئے جانے والے بریفنگ کے موقع پر گفتگو کرتے ہوئے کہا ہے کہ آئندہ مالی سال کا بجٹ عوامی توقعات کے مطابق اور عوام دوست ہوگاصوبے کے وسائل میں اضافے کیلئے اقدامات تجویز کئے جائیں گے صحت، تعلیم اور یوتھ پر خصوصی توجہ دی جائے گی صوبے کا آئندہ مالی سال کا بجٹ تاریخی ہوگاترقیاتی بجٹ 9 ارب بڑھ کر17 ارب پر جارہا ہے گلگت بلتستان کی تاریخ میں پہلی مرتبہ 100فیصد ترقیاتی بجٹ استعمال ہوا ہے جس پر تمام ادارے خراج تحسین کے مستحق ہیں۔ تمام اداروں نے متعین کردہ اہداف حاصل کرلئے ہیں ترقیاتی بجٹ کے 100 فیصد استعمال کی وجہ سے وفاقی اقتصادی کونسل میں گلگت بلتستان کے بجٹ میں 8بلین کا اضافہ ہوا۔
وزیر اعلیٰ گلگت بلتستان حافظ حفیظ الرحمن نے کہاکہ گلگت بلتستان میں اب کوئی بھی ترقیاتی منصوبہ التواء کا شکار نہیں ہوگا تمام منصوبے بروقت مکمل ہوں گے مشرف دور میں گلگت بلتستان کیلئے صرف 2 ارب بجٹ میں اضافہ کیا گیا اور پیپلز پارٹی کے دور میں صرف ڈیڑھ ارب بجٹ کا اضافہ ہوا جبکہ قائد عوام و وزیر اعظم پاکستان محمد نواز شریف کی واحد حکومت ہے جس میں گلگت بلتستان کیلئے بجٹ میں 8 ارب کا اضافہ ہواآئندہ مالی سال کا بجٹ عوام کے توقعات کے عین مطابق ہوگا۔
وزیر اعلیٰ گلگت بلتستان حافظ حفیظ الرحمن نے کہاکہ حکومت ہسپتالوں، اسکولوں سمیت تمام شعبوں کی مزید بہتر بنائے گی پہلی مرتبہ ماسٹر پلان کیلئے بجٹ میں رقم مختص کیا جائے گا۔ آئندہ مالی سال کے بجٹ کے حوالے سے سیمینارز کرائے جائیں گے۔ وزیر اعلیٰ گلگت بلتستان حافظ حفیظ الرحمن نے کہا ہے کہ شہر میں ماسٹرپلاننگ میں روڈ انجینئرنگ، ٹریفک پلان جدید خطوط کے مطابق کیاجائے آئندہ مالی سال کے ترقیاتی منصوبوں میں گلگت بلتستان کے میگا ترقیاتی منصوبوں کی سٹڈ ی اور کنسلٹینسی کیلئے رقم مختص کیا جائے گاعوام کو صاف پانی کی فراہمی اولین ترجیحات میں شامل ہے وزیر اعلیٰ گلگت بلتستان حافظ حفیظ الرحمن نے گلگت بلتستان ڈویلپمنٹ اتھارٹی کی جانب سے کنوداس سکارکوئی اور کے آئی یو ایریا کیلئے واٹر سپلائی ماسٹر پلان کی منظوری دی۔ ا
س موقع پر وزیر اعلیٰ گلگت بلتستان حافظ حفیظ الرحمن نے کہاکہ محکمہ پلاننگ اینڈ ڈویلپمنٹ میں خصوصی سیل قائم کیا جائے گا جو ترقیاتی منصوبوںکو ماسٹر پلان کے مطابق یقینی بنانے کا جائزہ لے گا ترقیاتی منصوبوں کیلئے حکومت کے پاس مالی وسائل کی کمی نہیں ہے ٹریفک کے نظام کو بہتر بنانے کیلئے گلگت میں بائی پاسسز، شاہراہوں کی تعمیر کے منصوبے کا جلد آغاز کیا جائے گاشہر میں اربن ٹرانسپورٹ متعارف کرائیں گے تمام اداروں کو ہدایت کی جائے گی کہ پانچ سالہ منصوبہ بندی کے مطابق ترقیاتی منصوبوں کوحتمی شکل دیں۔
ان خیالات کا اظہار وزیر اعلیٰ گلگت بلتستان حافظ حفیظ الرحمن نے گلگت شہر کے ماسٹرپلان کے حوالے سے محکمہ گلگت بلتستان ڈویلپمنٹ اتھارٹی کی جانب سے دیئے جانے والی بریفنگ سے خطاب کرتے ہوئے کیا۔ اس موقع پر وزیر اعلیٰ گلگت بلتستان حافظ حفیظ الرحمن نے سیکریٹری تعمیرات کو ہدایت کی کہ شاہراہوں کی پیج ورک پر جلد از جلد کام کا آغاز کیاجائے۔

 

پرنٹ یا ایمیل کریں