پیر, 08 مارچ 2021


وزیراعظم نےواپس آنےسے معذرت کرلی

  • ایمزٹی وی (اسلام آباد) وزیراعظم نواز شریف کی طبیعت ناساز ہے اور انھیں بخار ہونے کے ساتھ ساتھ ان کی ٹانگ کے زخم میں بھی انفیکشن ہوگیا ہے، جس کی وجہ سے ان کی اسلام آباد آمد ملتوی ہوگئی۔

    وزیراعظم ہاؤس کی جانب سے جاری کیے گئے ایک بیان میں کہا گیا کہ 'وزیراعظم نواز شریف جو اِن دنوں لاہور میں مقیم ہیں انہیں کل صبح اسلام آباد آنا تھا، تاہم ٹانگ کے زخم میں انفیکشن اور بخار کے باعث وہ اسلام آباد نہیں آسکیں گے۔ ترجمان کا کہنا تھا کہ ڈاکٹروں نے وزیراعظم کی ٹانگ کے انفیکشن کا علاج شروع کر دیا ہے۔ مزید کہا گیا کہ علاج کے بعد وزیراعظم اسلام آباد پہنچیں گے۔ یاد رہے کہ رواں برس 31 مئی کو لندن کے ایک ہسپتال میں وزیراعظم نواز شریف کی کامیاب اوپن ہارٹ سرجری ہوئی تھی۔بعدازاں ڈاکٹروں سے سفر کی اجازت ملنے کے بعد رواں ماہ 9 جولائی کو وزیراعظم اپنے اہلِ خانہ کے افراد کے ہمراہ پاکستان انٹرنیشنل ایئرلائنز (پی آئی اے) کے خصوصی طیارے کے ذریعے وطن واپس پہنچے۔

     
     
 
 
 

پرنٹ یا ایمیل کریں

Leave a comment