جمعہ, 21 فروری 2020


قائداعظم دنیا کے عظیم رہنما اور مدبر سیاستدان تھے, وزیراعظم


ایمزٹی وی(اسلام آباد)۔قائداعظم محمد علی جناح کی68ویں برسی پر اپنے پیغام میں وزیراعظم نوازشریف کا کہنا تھا کہ قائداعظم دنیا کے عظیم رہنما اور مدبر سیاستدان تھے اور آج قوم بانی پاکستان کی برسی عزت و تکریم سے منا رہی ہے، بابائے قوم کو خراج عقیدت پیش کرنے کا بہترین طریقہ ملک کو پرامن اور خوشحال بنانے کی کوشش ہے۔ ان کا کہنا تھا کہ قائداعظم نے خطے کے مسلمانوں کی آزادی کی تحریک چلائی اور دنیا کی پہلی اسلامی نظریاتی ریاست قائم کی، تحریک آزادی قائد کی سیاسی بصیرت کی عکاس ہے۔

قائداعظم نے مسلمانوں کو اتحاد، تنظیم اور رواداری کا درس دیا اور انہوں نے زندگی بھر اصولوں کی پاسداری کی جب کہ قائداعظم نے سیاست میں مثبت روایات کو جنم دیا۔ انہوں نےکہا کہ حکومت ملک کو قائد کا پاکستان بنانے کےلیے پرعزم ہے اور قائد کے فرمودات کی رہنمائی میں تمام چیلنجوں سے نبردآزما ہوں گے۔

نوازشریف کا کہنا تھا کہ پاکستان تاریخ کے اہم موڑ پر کھڑا ہے، ملک میں انتہا پسندی کی گنجائش نہیں تاہم ملک میں امن و امان کی صورتحال بہتر ہو گئی جب کہ اقتصادی راہداری سے خطے میں معاشی انقلاب آئے گا۔

پرنٹ یا ایمیل کریں

Leave a comment