جمعرات, 29 اکتوبر 2020


رائیونڈ مارچ ہر صورت پرامن طریقے سے کیا جائے گا


ایمزٹی وی(اسلام آباد)تحریک انصاف کے ترجمان نعیم الحق نے کہا ہے کہ عمران خان کے اعلان کے مطابق رائیونڈ مارچ ہر صورت پرامن طریقے سے کیا جائے گا ۔ان کا کہنا تھا کہ رائیونڈ مارچ محرم کے آغاز سے قبل ہی ہو گا جس کے لیے ہم خیال جماعتوں کو باضابطہ طور پر دعوت دیں گے ۔میڈ یا رپورٹس کے مطابق انہوں نے کہا کہ عید کے بعد ہم خیال جماعتوں سے مشاورت کر کے حتمی تاریخ کا اعلان کریں گے ۔

واضح رہے کہ گزشتہ روز پاکستان عوامی تحریک کے سربراہ طاہر القادری نے رائیونڈ مارچ میں شرکت نہ کرنے کا اعلان کیا تھا ۔مبصرین کا کہنا ہے کہ تحریک انصاف طاہر القادری کے بغیر بھر پور طریقے سے رائیونڈ مارچ نہیں نکال سکے گی اور طاہر القادری کا یہ اعلان تحریک انصاف کے لیے بڑا دھچکا ہے ۔

پرنٹ یا ایمیل کریں

Leave a comment