پیر, 21 ستمبر 2020


بیرسٹر فہد ملک قتل کیس کا مرکزی ملزم اپنے انجام کو پہنچ گیا


ایمزٹی وی (اسلام آباد)اسلام آباد میں دہشت گردی کی خصوصی عدالت نے بیرسٹر فہد ملک قتل کیس کے مرکزی ملزم راجا ارشد کو 23 ستمبر تک کے لیے جیل بھیج دیا۔

مرکزی ملزم راجا ارشد کو 3 روزہ جسمانی ریمانڈ ختم ہونے کے بعد انسداد دہشت گردی کی عدالت کے جج سید کوثر عباس زیدی کے روبرو پیش کیا گیا، اس موقع پر سیکورٹی کے سخت انتظامات کیے گئے تھے۔

پولیس کے مطابق ملزم راجا ارشد کا اب تک 13 روز کا جسمانی ریمانڈ لیا جاچکا ہے، ملزم پر سابق سینیٹ چئیرمین میاں محمد سومرو کے بھانجے فہد ملک کے قتل کا الزام ہے، پولیس نے آلہ قتل اور واردات میں استعمال ہونے والا موبائل فون برآمد کرلیا ہے۔

پولیس نے عدالت سے استدعا کی کہ گاڑی کی برآمدگی کے لیے مزید جسمانی ریمانڈ دیا جائے، عدالت نے ملزم راجا ارشد کو کمرہ عدالت میں وکلاء سے ملاقات کی اجازت دی جس کے بعد ملزم کو 23 ستمبر تک کے لیے جیل بھیج دیا گیا۔

پرنٹ یا ایمیل کریں

Leave a comment