جمعہ, 29 مارچ 2024


عوام دیکھ رہےہیں کہ نیا پاکستان بنانے والا کنٹینرپر کھڑا ہے

 

 


ایمزٹی وی(اسلام آباد)اسلام آبادمیں ن لیگ کی مرکزی کونسل سے خطاب میں وزیراعظم نے کہا کہ صوبہ خیبر پختونخوا والے ڈھونڈ رہے ہیں نیا پاکستان بنانے والا کہاں ہے؟ ڈگڈگی بجانے والے آج بھی جھوٹ بول کر لوگوں کودھوکا دے رہے ہیں۔

وزیراعظم نوازشریف نے کہا ہے کہ ہر دور میں کوئی نہ کوئی ڈگڈگی بجانے والا آ جاتا ہے،ہم گھبرانے والے نہیں ، آپ نے سارا وقت ناچ گانے پر لگادیا، خیبرپختونخوا کے عوام دیکھ رہےہیں کہ نیا پاکستان بنانے والا کنٹینرپر کھڑا ہے ۔


نوازشریف نے کہا کہ ہم گالیوں کا جواب گالیوں سے نہیں دیں گے،ہم نے کسی پر جھوٹے الزام نہیں لگائے،ہم عوام کی خدمت کی بات کریں گے، ہم سڑکیں بناتے رہیں گے،تم سڑکیں ناپتے رہو،صوبہ خیبر پختونخوا والے ترقی کے منتظر ہیں ، لیکن وہ نظر نہیں آتی۔

ان کا مزید کہنا تھاکہ آج پاکستان بدل رہا ہے،یہ ہم نہیں دنیا کہہ رہی ہے،وہ جس طرح کام کررہے ہیں وہ کے پی کے سے بھی ہاتھ دھو لیں گے ،وہاں 2018ءمیں ہماری حکومت ہوگی۔

وزیراعظم نے کہا کہ حکومت سنبھالی تو بجلی کے کارخانے لگانے کے لیے ایک پیسا نہیں تھا،چین نے کہا آپ فکر نہ کریں ہم بجلی کے کارخانوں کے لیے سرمایہ کاری کریں گے، کم وقت اور تیز رفتاری سے کارخانے لگ رہے ہیں۔

نوازشریف نے کہا کہ 2018ءتک 10 ہزارمیگا واٹ بجلی سسٹم میں شامل ہو جائے گی ،تھر میں 4 ہزار میگا واٹ بجلی پیدا کی جائے گی۔

 

 

پرنٹ یا ایمیل کریں

Leave a comment