ایمزٹی وی(اسلام آباد)وزیر اعظم نواز شریف سے وفاقی وزیر داخلہ چوہدری نثار نے انتہائی اہم ملاقات کی ہے جس میں ملک کی موجودہ سیاسی صورتحال کے حوالے سے تبادلہ خیال کیا گیا۔

میڈ یا رپورٹس کے ملاقات میں وزیراعظم کو بریفنگ دیتے ہوئے وزیر داخلہ نے کہا کہ اسلام آباد کو لاک ڈاون کرنے کے خلا ف تمام اقدامات قانون کے مطابق کیے گئے ۔

اس موقع پر چوہدری نثار نے کہا کہ اگر تحریک انصاف پریڈ گراﺅنڈ میں جلسہ کرتی ہے تو ہمیں کوئی اعتراض نہیں ،حکومت تحریک انصاف کو پریڈ گراﺅنڈ میں جلسے کے لیے تمام سہولیات فراہم کرے گی ۔ملاقات میں قومی سلامتی کے خلاف خبر سے متعلق تحقیقاتی کمیٹی پر بھی تبادلہ خیال کیا گیا ۔
ذرائع کے مطابق وزیر داخلہ کچھ دیر بعد اہم پریس کانفرنس کریں گے جس میں متنازعہ خبر پر تحقیقات سے متعلق ٹائم فریم کا بھی اعلان کیا جائے گا ۔