منگل, 16 اگست 2022


نئے سپہ سالار کے ساتھ چائنہ کی نئی امیدیں

 


ایمزٹی وی(اسلام آباد)چینی سفیر سن وی ڈونگ نے جنرل زبیر محمود حیات کو چیئرمین جوائنٹ چیفس آف اسٹاف اورجنرل قمر جاوید باجوہ کو چیف آف آرمی اسٹاف کا عہدہ سنبھالنے پر مبارکباد دیتے ہوئے اس امید کا اظہار کیاہے کہ مستقبل میں دونوں ممالک اوران کی افواج کے مابین خوشگوار تعلقات مزید فروغ پائیں گے۔

چینی سفارتخانے کی جانب سے پیر کو جاری کردہ بیان میں کہا گیا ہے کہ چینی سفیر نے جنرل زبیر محمود حیات اور جنرل قمر جاوید باجوہ کی کامیابی کے لئے نیک تمناﺅں کا اظہار کرتے ہوئے کہا ہے کہ مستقبل میں دونوں ممالک اور افواج کے مابین خوشگوار تعلقات مزید فروغ پائیں گے۔انہوں نے چیف آف آرمی اسٹاف جنرل راحیل شریف کو بے شمار کامیابیوں اور ملک میں امن واستحکام کے فروغ کیلئے کردار ادا کرنے پر بھی مبارکباد دی۔

دونوں ممالک اور افواج کے مابین دوستانہ تعلقات کو فروغ دینے کے لئے جنرل راحیل شریف کی جانب سے اہم کردار ادا کئے جانے کی کاوشوں کو بھی سراہا۔

 

پرنٹ یا ایمیل کریں

Leave a comment