جمعرات, 15 اپریل 2021


حکومت سپریم کورٹ کو تقسیم کرنا چاہتی ہے

 

ایمزٹی وی(اسلام آباد) پیپلز پارٹی کے رہنما سینیٹر اعتزاز احسن نے کہا ہے کہ وزیر داخلہ نے پریس کانفرنس میں جارحانہ انداز اپنایا لگتا ہے حکومت سپریم کورٹ کو تقسیم کرنا چاہتی ہے۔

سانحہ کوئٹہ کمیشن رپورٹ پر تبصرہ کرتے ہوئے اعتزاز احسن کا کہنا تھا کہ سانحہ کوئٹہ پر جسٹس قاضی فائز عیسیٰ کی رپورٹ جامع ہے لیکن وزیر داخلہ نے پریس کانفرنس میں جارحانہ انداز اپنایا ، جسٹس قاضی کو دوسرا سجاد علی شاہ بنایا جائے گا، لگتا ہے حکومت سپریم کورٹ کو تقسیم کرنا چاہتی ہے ۔

انہوں نے کہا کہ یوسف رضاگیلانی اور راجہ پرویز اشرف عدالت میں پیش ہوچکے لیکن جب نواز شریف کو سپریم کورٹ بلایا گیا تو عدالت پر حملہ کردیا گیا ، حملے کے دوران ججز کی کرسیاں الٹ گئیں اور بینچ کو بھاگنا پڑا۔

 

پرنٹ یا ایمیل کریں

Leave a comment