ایمزٹی وی(راولپنڈی) پاکستان نے 2200 کلومیٹر تک مار کرنے والے ابابیل میزائل کا پہلا کامیاب تجربہ کر لیا ہے۔ آرمی چیف جنرل قمر جاوید باجوہ اور وزیراعظم نواز شریف نے کامیاب تجربے پر قوم اور مسلح افواد کو مبارکباد پیش کی ہے۔
#ABABEEL. CJCSC Gen Zubair Mahmood Hayat, CAS ACM Sohail Aman and CNS Adm Muhammad Zaka Ullah Congratulate team and Pakistan Armed Forces. pic.twitter.com/Bdz1LQxpJh
— Maj Gen Asif Ghafoor (@OfficialDGISPR) January 24, 2017
پاک فوج کے تعلقات عامہ کے ادارے (آئی ایس پی آر) کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر جاری پیغام میں کہا ہے کہ زمین سے زمین پر مار کرنے والے ابابیل میزائل کا پہلا کامیاب تجربہ کر لیا گیا ہے۔ زمین سے زمین پر مار کرنے والا یہ میزائل 2200 کلومیٹر تک کامیابی سے ہدف کو نشانہ بنا سکتا ہے۔ یہ میزائل ملٹی پل انڈیپنڈنٹ ری انٹری وہیکل کا حامل ہے اور متعدد جوہری وار ہیڈ لے جانے کی صلاحیت رکھتا ہے جبکہ دشمن کے ریڈار کو بھی باآسانی دھوکہ دینے کی صلاحیت رکھتا ہے۔ ڈی جی آئی ایس پی آر کا کہنا ہے کہ میزائل کے کامیاب تجربے سے پاکستان کی دفاعی صلاحیتوں میں مزید نکھار آئے گا۔
ڈی جی آئی ایس پی آر کے مطابق آرمی چیف جنرل قمر جاوید باجوہ، چیئرمین جوائنٹ چیفس آف سٹاف کمیٹی جنرل زبیر محمود حیات، نیول اور فضائیہ کے سربراہان نے کامیاب تجربے پر قوم، مسلح افواد اور انجینئرز کی ٹیم کو مبارکباد پیش کی ہے۔
وزیراعظم نواز شریف نے بھی پاک فوج کی جانب سے کامیاب تجربے پر مبارکباد پیش کرتے ہوئے کہا ہے کہ قوم اور مسلح افواج کامیاب تجربے پر مبارکباد کے مستحق ہیں۔
Pak successfully conducted first flight test of SSM #ABABEEL, Rg 2200 Km. #COAS congrats team and Pak Armed Forces for landmk achievement. pic.twitter.com/iXBGgJf9JN
— Maj Gen Asif Ghafoor (@OfficialDGISPR) January 24, 2017