اتوار, 24 جنوری 2021


سعد رفیق کی آصف زرداری سے ملاقات،سینیٹ انتخابات پر تبادلہ خیال   

ایمز ٹی وی (اسلام آباد) پیپلز پارٹی کے شریک چیئرمین آصف زرداری سے وفاقی وزیر خواجہ سعد رفیق نے ملاقات کی جس کے دوران سینیٹ انتخابات میں سیٹ ایڈجسٹمنٹ اور پیسے کا عمل دخل روکنے کے امور پر بات کی گئی ہے۔

اسلام آباد میں آصف زرداری سے ملاقات کے بعد وفاقی وزیرخواجہ سعد رفیق نے میڈیا کو بتایا کہ ملاقات میں سینیٹ انتخابات میں سیٹ ایڈجسٹمنٹ اورووٹوں کی خریدو فروخت روکنے کے حوالے سے امور پر بات کی ہے ۔ انہوں نے بتایا کہ اس بات پر مفاہمت ہوئی ہے کہ تمام سیاسی جماعتیں سینیٹ انتخابات کے لیے آپس میں رابطے میں رہیں گی تا کہ ہارس ٹریڈنگ کو روکا جاسکے ،اس بات پربھی اتفاق ہوا کہ صوبوں میں مینڈیٹ کے مطابق ہرپارٹی کی سینیٹ میں نمائندگی ہونی چاہیے۔

پرنٹ یا ایمیل کریں

Leave a comment