ایمزٹی وی (اسلام آباد)سپریم کورٹ میں پاناما کیس کی سماعت شروع ہوئی تو حسن اور حسین نواز کے وکیل نے منروا کیساتھ سروسز کا ریکارڈ عدالت میں جمع کر اتے ہوئے موقف اپنایا کہ تمام دستاویزات گزشہ رات لندن سے منگوائی ہیں اور منروا کمپنی کو ادائیگیوں کی تفصیلات بھی عدالت میں پیش کر دیں ۔
5رکنی بینچ کے سربراہ جسٹس آصف سعید کھوسہ نے وکیل سلمان اکرم راجہ سے استفسار کیا کہ حسن اور حسین نواز نے کب اور کتنے جوابات جمع کرائے جس پر وکیل نے جواب دیا کہ تاریخوں کے حساب سے عدالت کو کچھ دیر میں آگاہ کرونگا تاہم زیادہ تر جوابات مشترکہ طور پر جمع کرائے گئے ہیں ۔حسین نواز کے نمائندے نے ایرنیا کمپنی کی جانب سے معاہدہ کیا اور فیصل ٹوانہ کو بطور نمائندہ مقرر کیا تھا جو حسین نواز کی جا نب سے منروا کمپنی سے ڈیل کرتے تھے۔