Print this page

فوجی عدالتوں میں توسیع پر رضامندی مل گئی

 

ایمزٹی وی (اسلام آباد) قومی اسمبلی کے اسپیکر سردار ایاز صادق کے زیر صدارت قومی اسمبلی کا اجلاس ہوا۔ اجلاس میں پیپلز پارٹی کی جانب سے نوید قمر نے شرکت کی۔ ذرائع کا کہنا ہے کہ اجلاس میں سیاسی جماعتوں کی اکثریت نے فوجی عدالتوں کی مدت میں 3 سال کے بجائے ڈیڑھ سال کی توسیع دینے پر رضا مندی ظاہر کر دی ہے۔
اپوزیشن جماعتیں فوجی عدالتوں کے ساتھ نگراں کمیٹی کی بحالی کے مطالبے پر قائم ہیں، پیپلز پارٹی، ایم کیو ایم، تحریک انصاف اور دیگر سیاسی جماعتوں نے نگراں کمیٹی کے قیام پر زور دیا ہے۔
سردار ایاز صادق کا خفیہ ٹیلیفون
دوسری جانب مذہبی دہشت گردی کے الفاظ کے معاملے پر سیاسی رہنماؤں میں اختلافات بدستور موجود ہیں اور اس حوالے سے اسپیکر قومی اسمبلی جمعیت علمائے اسلام کے سربراہ مولانا فضل الرحمان سے ملاقات کریں گے۔
سیاسی جماعتوں کی جانب سے فوجی عدالتوں کی مدت میں توسیع کی رضا مندی کے بعد مسودے کی منظوری کے لئے وفاقی وزیر قانون زاہد حامد کی سربراہی میں اجلاس جاری ہے۔ اسپیکر قومی اسمبلی نے ذیلی کمیٹی کو ہدایت کی ہے کہ پارلیمانی رہنماؤں کے اجلاس میں طے پانے والے نکات پر مشتمل مسودے کو حتمی شکل دی جائے۔

 

پرنٹ یا ایمیل کریں