پیر, 08 مارچ 2021


پولیس اورپتنگ بازوں کے درمیان مقابلہ

ایمز ٹی وی ( راولپنڈی) راولپنڈی پولیس اورپتنگ بازوں میں اتوارکوبھی آنکھ مچولی کاسلسلہ جاری رہا ،پنجاب کانسٹیبلری سے بلائی گئی نفری کو پولیس کے ہمراہ شہرکے مختلف علاقوں میں تعینات کیاگیا تھا جوسارادن پتنگ بازوں کے خلاف کارروائی کے لئے گلی محلے اورسڑکوں پرگشت کرتے رہے سی پی اوکے حکم پرشہرکے مختلف پلوں کے اوپراورکھمبوں پرلٹکتی ڈوربھی ہٹائی گئی سی پی اونے حکم دیاتھاکہ پولیس اپنے علاقوں میں کھمبوں اور اونچی جگہوں کوچیک کرے اورجہاں کہیں ڈورلٹک رہی ہواسے وہاں سے ہٹایاجائے تاکہ کوئی موٹرسائیکل سواراس کی زد میں آکرزخمی نہ ہوجائے ادھربعض ایس ایچ اوزکاکہناتھاکہ 25،سے 30ملازمین کے ساتھ وہ لاکھوں کی آبادی میں کیسے پتنگ بازوں کے خلاف مؤثرکارروائی کرسکتے ہیں اس حوالے سے قانون کی عملداری کے لئے معاشرے کے تمام طبقات کواپناکرداراداکرنا چاہئیے ،ادھرراولپنڈی پولیس نے پتنگ فروشوں،پتنگ بازوں، آتش بازوں اورسائونڈ آرڈیننس کی خلاف ورزی کرنے والوں کے خلاف کاروائی کرتے ہوئے 19ملزموں کو گرفتار کرکے ان کے خلاف الگ الگ مقدمات درج کر لیے ۔

 

پرنٹ یا ایمیل کریں

Leave a comment