ایمز ٹی وی (انٹرٹینمنٹ)ہالی ووڈ فلم مون لائٹ میں بہترین معاون اداکار کےلئے آسکر جیتنے والے مہرشالا علی کی دنیا بھر میں تعریف کی گئی اور انہیں آسکر جیتنے والا پہلا مسلمان قرار دیا جانے لگا تاہم اب یہ انکشاف ہوا ہے کہ مہرشالا علی احمدی ہیں اور یہی وجہ ہے کہ اقوام متحدہ میں پاکستان کی مستقل مندوب ملیحہ لودھی کو بھی اپنی ٹویٹ ڈیلیٹ کرنا پڑ گئی۔
شادی کے سیزن میں اس چیز سے بال دھونے سے ان میں ایسی چمک آئے گی کہ سب آپ کی تعریف کرنے پر مجبور ہوجائیں گے
تفصیلات کے مطابق ملیحہ لودھی نے آسکر ایوارڈ جیتنے پر ایک ٹویٹ کی کہ ”دنیا کا پہلا مسلمان جس نے آسکر جیت لیا۔“ لیکن جب ٹوئٹر صارفین نے یہ انکشاف کیا کہ مہر شالا علی احمدی ہیں تو انہوں نے اپنی ٹویٹ ڈیلیٹ کر دی۔
پاکستانی آئین کے آرٹیکل 260-3 میں احمدیوں کو غیر مسلم قرار دیا گیا ہے اور اس مقصد کیلئے آئین میں یہ جملہ استعمال کیا گیا ہے کہ ”آئین اور قانون کے مقاصد کےلئے۔“
ملیحہ لودھی کی جانب سے ڈیلیٹ کی گئی ٹویٹ لوگوں کی نظروں میں آ گئی اور پھر کچھ لوگوں نے اسے دوبارہ اپ لوڈ بھی کر دیا اور اپنے جذبات کا اظہار کیا۔