منگل, 24 نومبر 2020


عدالتی اصلاحات کر لی جائیں تاکہ دوبارہ فوجی عدالتوں کی ضرورت نہ پڑے

 

فوجی عدالتوں کی مدت میں توسیع کے معاملے پر پاکستان پیپلز پارٹی کی آل پارٹیز کانفرنس آج ہوگی تفصیلات کت مطابق فوجی عدالتوں کی مدت میں اضافے کے حوالے سے سیاسی جماعتوں میں اتفاق رائے پیدا کرنے کیلئے پاکستان پیپلز پارٹی کے زیر اہتمام آل پارٹیز کانفرنس آج زرداری ہاﺅس اسلام آباد میں ہو گی ۔ تحریک انصاف نے پہلے ہی اس میں شرکت نہ کرنے کا اعلان کر رکھا ہے جبکہ حکمران جماعت مسلم لیگ نواز بھی شرکت سے انکاری ہے۔
کانفرنس میں جمعیت علمائے اسلام کے سربراہ مولانا فضل الرحمٰن،عوامی نیشنل پارٹی کے صدر اسفند یار ولی ،مسلم لیگ ق کے صدر چودھری شجاعت حسین ،بی این پی عوامی کے سربراہ اسرار اللہ ظہری،جمہوری وطن پارٹی کے آفتاب شیرپاﺅ ،پاکستان عوامی تحریک ،مجلس وحدت مسلمین اور متحدہ قومی مومنٹ کا وفد بھی شرکت کرے گا۔
ذرائع کے مطابق اے پی سی میں فوجی عدالتوں کے قیام میں توسیع کے معاملے اور اس سلسلے میں نئی مجوزہ آئینی ترمیم کے مسودے پر اتفاق رائے پیدا کرنے کی کوشش کی جائے گی اور یہ بھی کہا جا رہا ہے کہ فوجی عدالتوں کے قیام میں توسیع پر تمام جماعتیں متفق ہیں لیکن کوشش کی جائے گی کہ وزیر اعظم نواز شریف سے یقین دہانی لی جائے کہ فوجی عدالتوں کی مدت ختم ہونے سے پہلے ٹھوس عدالتی اصلاحات کر لی جائیں تاکہ دوبارہ فوجی عدالتوں کی ضرورت نہ پڑے۔
 

 

پرنٹ یا ایمیل کریں

Leave a comment